ବୌଦ୍ଧ, ୨୯/୦୧ : ବୌଦ୍ଧ ସହର ସ୍ଥିତ ସିଦ୍ଧ ହନୁମାନ ମନ୍ଦିରରୁ ଚୋରି। ମନ୍ଦିରର ତାଲା ଭାଙ୍ଗି ଟଙ୍କା, ସୁନା ଓ ରୂପା ଗଦା ଲୁଟିନେଲେ ଦୁର୍ବୃତ୍ତ। ରବିବାର ରାତିରେ ଦୁର୍ବୃତ୍ତମାନେ ଚୋରି କରିଥିବା ସୂଚନା ମିଳିଛି। ଘଟଣା ସ୍ଥଳରେ ଆଦର୍ଶ ଥାନା ପୋଲିସ ପହଞ୍ଚି ତଦନ୍ତ ଜାରି ରଖିଛି ।
ସୂଚନା ଅନୁଯାୟୀ, ସୋମବାର ସକାଳୁ କିଛି ଲୋକ ମନ୍ଦିରକୁ ଦର୍ଶନ କରିବାକୁ ଆସିଥିବା ସମୟ ମନ୍ଦିର ତାଲା ଭାଙ୍ଗି ଥିବା ଦେଖିବାକୁ ପାଇଥିଲେ। ଏନେଇ ମନ୍ଦିରର ପୂଜାରୀ ବିଭୁତି ଭୂଷଣ ପାଢ଼ୀଙ୍କୁ ଖବର ଦେଇଥିଲେ। ପୂଜାରୀ ମଧ୍ୟ ମନ୍ଦିରକୁ ଆସି ଚୋରି ହୋଇଥିବା ଦେଖିଥିଲେ। ମନ୍ଦିର କମିଟି ପକ୍ଷରୁ ବୌଦ୍ଧ ଆଦର୍ଶ ଥାନାରେ ଅଭିଯୋଗ କରାଯାଇଥିବା ବେଳେ ପୋଲିସ ଏବଂ ସାଇଣ୍ଟିଫିକ୍ ଟିମ୍ ପହଞ୍ଚି ଅଧିକ ତଦନ୍ତ ଜାରି ରଖିଛି ।