ନୂଆଦିଲ୍ଲୀ,୧।୨: ସାଧାରଣ ନିର୍ବାଚନ ପୂର୍ବରୁ ମଧ୍ୟବିତ୍ତଙ୍କ ଅର୍ଥମନ୍ତ୍ରୀ ନିର୍ମଳା ସୀତାରମଣ କରିଛନ୍ତି ବଡ ଘୋଷଣା। ସରକାର ମଧ୍ୟବିତ୍ତଙ୍କ ପାଇଁ ବିଶେଷ ଆବାସ ଯୋଜନା ନେଇ ଆସିବେ। ଏହି ଯୋଜନାର ଲାଭ ଭଡା ଘରେ, ବସ୍ତି ଏବଂ ଚଲ୍ରେ ରହୁଥିବା ଲୋକଙ୍କୁ ମିଳିବ। ଅର୍ଥମନ୍ତ୍ରୀ କହିଛନ୍ତି, କୋଡିଭ ମହାମରୀ ପରେ ବି ପ୍ରଧାନମନ୍ତ୍ରୀ ଆବାସ ଯୋଜନା(ଗ୍ରାମୀଣ) ଅନୁସାରେ, ୩ କୋଟି ଘର ମିଳିସାରିଛି। ସେଭଳି ଆଗାମୀ ଦୁଇ ବର୍ଷରେ ଦୁଇ କୋଟି ନୂଆ ଘର ମଧ୍ୟ ଦିଆଯିବ।
ଅର୍ଥମନ୍ତ୍ରୀ ଗୁରୁବାର ସଂସଦରେ ଅନ୍ତରୀଣ ବଜେଟ୍ ଆଗତ କରି କହିଛନ୍ତି, ୧ କୋଟି ଲୋକଙ୍କ ଘରେ ସୂର୍ଯ୍ୟଦୋୟ ଯୋଜନା ଅନୁସାରେ ସୋଲାର ପ୍ୟାନେଲ ଲଗାଇ ୩୦୦ ୟୁନିଟ୍ ମାଗଣା ବିଜୁଳି ଉପଲବ୍ଧ କରାଯିବ। ଏହାଛଡା ଅର୍ଥମନ୍ତ୍ରୀ କହିଛନ୍ତି, ସରକାର ପ୍ରଧାନମନ୍ତ୍ରୀ ମୁଦ୍ରା ଯୋଜନା ଅନୁସାରେ, ମୋଟ ୨୨.୫ ଲକ୍ଷ କୋଟି ଟଙ୍କାର ୪୩ କୋଟି ଲୋନ୍ ଦେଇଛନ୍ତି। ଗତ ୧୦ ବର୍ଷରେ ମହିଳାଙ୍କୁ ୩୦ କୋଟି ମୁଦ୍ରା ଲୋନ୍ ଦିଆଯାଇଛି।