ଭୁବନେଶ୍ୱର,୩୦/୦୮:  ଫ୍ରାଇଡେ ରିଲିଜ୍‌ ଅବସରରେ ପ୍ରେକ୍ଷାଳୟରେ ମୁକ୍ତିଲାଭ କରୁଛି  ହାସ୍ୟରସାତ୍ମକ ଓଡ଼ିଆ ଚଳଚ୍ଚିତ୍ର ‘ବାବାଜୀ  କା ଠୁଲୁ’ । ଏହାର ଗ୍ରାଣ୍ଡ୍‌ ପ୍ରିମିୟର୍‌  ଭୁବନେଶ୍ୱରର ଏକ ମଲ୍ଟିପ୍ଲେକ୍ସରେ  ଅନୁଷ୍ଠିତ ହେଉଛି । ଏହି ଚଳଚ୍ଚିତ୍ରର  ନାୟକ ଭୂମିକାରେ ଦେବରାଜ ଥିବାବେଳେ  ନାୟିକା ରହିଛନ୍ତି ନବାଗତା ସ୍ୱାତୀ ।  ଅନ୍ୟାନ୍ୟ ଚରିତ୍ରରେ ସ୍ୱର୍ଗତ ମିହିର ଦାସଙ୍କ ସମେତ ଜୀବନ ପଣ୍ଡା, ପ୍ରଜ୍ଞା,  ଦେବୁ ବ୍ରହ୍ମା, ସଲିଲ ମିତ୍ର, ପୁଷ୍ପା ପଣ୍ଡା, ଦେବୀ ବାରିକ ଓ ଉଷସୀ ମିଶ୍ର । 

ଲର୍ଡ  ଜଗନ୍ନାଥ ଫିଲ୍ମସ୍‌ ବ୍ୟାନରରେ ପ୍ରସ୍ତୁତ  ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି  ରଞ୍ଜନ ମିଶ୍ର । ସିନେମାର କାହାଣୀ ରଚନା  ସହ ପ୍ରଯୋଜନା କରିଛନ୍ତି ବାବୁ ସିଂ ।  ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବାବୁ-ସୌରଭ ଯୋଡ଼ି । ସଂଳାପ ଲେଖିଛନ୍ତି  ବିଜୟ ରାଉଳ । ବାପୁ ଗୋସ୍ୱାମୀ, ମୋହିତ  ଚକ୍ରବର୍ତ୍ତୀ ଓ ଓମ୍‌କାର ଗୀତଗୁଡ଼ିକ ରଚନା କରିଥିବାବେଳେ କଣ୍ଠଦାନ କରିଛନ୍ତି  ବିଭୁକିଶୋର, ଅସୀମା ପଣ୍ଡା, ପ୍ରୀତିନନ୍ଦା,  ଇତିଶ୍ରୀ, ଶକ୍ତି ମିଶ୍ର ଓ ସୌରଭ ।