ଫିରିଙ୍ଗିଆ,୨/୪ ଫିରିଙ୍ଗିଆ ସାପ୍ତାହିକ ବଜାରକୁ ପୁଅ ସହ  ଆସୁଥିବା ବେଳେ ବାଇକରୁ ଖସିପଡି ଜଣେ ବୃଦ୍ଧଙ୍କ ମୃତ୍ୟୁ ହୋଇଛି I  ମୃତକ  ଜଣକ ଗୋପୀଙ୍ଗିଆ ଗାଁର ନରତି କହଁର I 

 ବୃଦ୍ଧ ଜଣକ ତାଙ୍କ ପୁଅ ଚକ୍ରପାଣିଙ୍କ ସହ ଏକ ବାଇକରେ ଫିରିଙ୍ଗିଆ ସାପ୍ତାହିକ ବଜାରକୁ ଆସୁଥିଲେ।  ଗୋପୀଙ୍ଗିଆ ଠାରୁ ସାସୀପଦର ରାସ୍ତାର ଗୋପୀଙ୍ଗିଆ ଡ୍ୟାମ ନିକଟରେ ଅସାବଧାନତା ବଶତଃ ବାଇକରୁ ଖସିପଡ଼ିଥିଲେ I ପୁଅ ତୁରନ୍ତ ତାଙ୍କୁ ଏକା ଅଟୋ ସାହାଯ୍ୟରେ ଫିରିଙ୍ଗିଆ ମେଡିକାଲକୁ ଚିକିତ୍ସା ପାଇଁ ଆଣିଥିବା ବେଳେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା।ଖବର ପାଇ ଫିରିଙ୍ଗିଆ ଥାନା ଅଧିକାରୀ ଗୋପୀନାଥ ପ୍ରଧାନଙ୍କ ନିର୍ଦେଶ କ୍ରମେ ଏଏସଆଇ ଶ୍ରୀକାନ୍ତ ପାତ୍ର ପହଂଚି ଶବକୁ ଜବତ କରିବା ସହ ବ୍ୟବଚ୍ଛେଦ ପାଇଁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି I ଏନେଇ  ଫିରିଙ୍ଗିଆ ଥାନାରେ  ଏକ ମାମଲା ରୁଜୁ ହୋଇ ଘଟଣାର ତଦନ୍ତ ଚାଲିଥିବା  ଥାନା ଅଧିକାରୀ ସୂଚନା ଦେଇଛନ୍ତି I