ବ୍ରହ୍ମପୁର,୨୯।୮ :  ଚିକିଟି ମଦ ମୃତ୍ୟୁ ଘଟଣାରେ ପୁଲିସର ଚଢାଉ ଜାରୀ ରହିଛି।  ଜଣକ ପରେ ଜଣଙ୍କୁ ପୋଲିସ ଗିରଫ କରୁଛି। ଗୁରୁବାର ଆଉ ଜଣଙ୍କୁ ପୋଲିସ ଗିରଫ କରିଛି। ମଦ ପ୍ରସ୍ତୁତକାରୀ ସୁଦାମ ମଲ୍ଲିକଙ୍କୁ  ପୋଲିସ ଗିରଫ କରି କୋର୍ଟ ଚାଲାଣ କରିଛି।  ଏହି ଘଟଣାରେ ଗିରଫ ସଂଖ୍ୟା ୧୧ରେ ପହଞ୍ଚିଛି। ଏଥିସହ ମଦରେ ମିଶାଉଥିବା ଚେରମୁଳି ପୋଲିସ ଜବତ କରିଛି। 

ମଦ ପ୍ରସ୍ତୁତ ବେଳେ ଯେଉଁ ଚେରକୁ ବ୍ୟବହାର କରା ଯାଉଥିଲା ସେହି ଚେରକୁ ପୁଲିସ ଜବତ କରିବାରେ ସକ୍ଷମ ହୋଇଛି।  ସଉଦି ଚେରକୁ ଜବତ କରା ଯାଇଛି। ଜବତ ଚେରକୁ ପରୀକ୍ଷା ପାଇଁ ପରୀକ୍ଷାଗାରାକୁ ପଠା ଯାଇଥିବା ଏସପି ସ୍ୱାର୍ଥକ ଷଡ଼ଙ୍ଗୀ କହିଛନ୍ତି।

 ସୂଚନାଯୋଗ୍ୟ ଯେ ଚିକିଟି ବ୍ଲକରେ ବିଷାକ୍ତ ମଦ ପିଇ  ଜେନାପୁର ଗାଁର ୨ ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୧୫ ଜଣ ଅସୁସ୍ଥ ହୋଇ ବ୍ରହ୍ମପୁର ଏମକେସିଜିରେ ଭର୍ତ୍ତି ହୋଇଥିଲେ । ଏହି ଘଟଣା ପରେ ପୋଲିସ ଚଢାଉ କରି ପୂର୍ବରୁ ୧୦ ଜଣଙ୍କୁ ଗିରଫ କରିଛି।