ନୂଆଦିଲ୍ଲୀ,୨୭/୦୫: ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଇତିମଧ୍ୟରେ ଦୀର୍ଘ ଯାତ୍ରା କରି ନ୍ୟୁୟର୍କରେ ପହଞ୍ଚି ସାରିଛି । କିଛି ଘଣ୍ଟାର ବିଶ୍ରାମ ପରେ ଦଳ ଅଭ୍ୟାସ ଆରମ୍ଭ କରିବ । ଭେଟେରାନ ବିରାଟ କୋହଲି, ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ୱିକେଟ୍କିପର ସଞ୍ଜୁ ସାମସନ ବିଳମ୍ବରେ ଯାତ୍ରା କରିବେ । ଏନେଇ ସେମାନେ ବିସିସିଆଇକୁ ଅନୁରୋଧ ଜଣାଇଥିଲେ । ବୋର୍ଡ ମଧ୍ୟ ସେମାନଙ୍କୁ ଅନୁମତି ପ୍ରଦାନ କରିଛି ।
ଗତକାଲି ପ୍ରଥମ ପର୍ଯ୍ୟାୟରେ ମୁଖ୍ୟ କୋଚ୍ ରାହୁଲ ଦ୍ରାବିଡ଼ଙ୍କ ସହ ରୋହିତ, ରିଷଭ ପନ୍ତ, ଯଶପ୍ରୀତ ବୁମରା, ରବୀନ୍ଦ୍ର ଜାଡେଜା, କୁଲଦୀପ ଯାଦବ, ଅକ୍ଷର ପଟେଲ, ଅର୍ଶଦୀପ ସିଂ, ସୂର୍ଯ୍ୟକୁମାର ଯାଦବ, ଶିବମ ଦୁବେ, ମହମ୍ମଦ ସିରାଜ ପ୍ରମୁଖ ଖେଳାଳି ନ୍ୟୁୟର୍କ ଯାତ୍ରା କରିଥିଲେ ।
୩୦ରେ ଯିବେ କୋହଲି ଆଇପିଏଲ ପରେ କିଛି ଦିନ ପରିବାରକୁ ସମୟ ଦେଇ କୋହଲି ଆସନ୍ତା ୩୦ ତାରିଖରେ ମୁମ୍ବାଇରୁ ନ୍ୟୁୟର୍କ ଯାତ୍ରା କରିବାର କାର୍ଯ୍ୟକ୍ରମ ରହିଛି । ଯଦି ଏହା ହୁଏ ତେବେ ହୁଏତ ସେ ପ୍ରଥମ ୱାର୍ମଅପ୍ ମ୍ୟାଚ୍ ବାଂଲାଦେଶ ବିପକ୍ଷରେ ଖେଳିପାରିବେ ନାହିଁ । ସଞ୍ଜୁ ମଧ୍ୟ ବିଳମ୍ବରେ ଟିମ୍ ଇଣ୍ଡିଆ ସହ ଯୋଗ ଦେବେ ବୋଲି ବିସିସିଆଇକୁ ଅନୁରୋଧ କରିଥିଲେ ।
ଲଣ୍ଡନରେ ପାଣ୍ଡ୍ୟା ଉପଅଧିନାୟକ ହାର୍ଦ୍ଦିକ ପାଣ୍ଡ୍ୟା ଆଇପିଏଲ ଶେଷ ହେବା ପରେ ଲଣ୍ଡନରେ ଛୁଟି କରାଉଥିବା କୁହାଯାଉଛି । ଏପଟେ ତାଙ୍କର ବିବାହ ବିଚ୍ଛେଦ ନେଇ ଚର୍ଚ୍ଚା ଜୋର ଧରିଛି । ଯାହା ସୂଚନା ରହିଛି, ସେ ବି ବିଳମ୍ବରେ ଦଳ ସହ ଯୋଗଦେବେ ବୋଲି ବିସିସିଆଇକୁ ଅନୁରୋଧ ଜଣାଇଥିଲେ ।
