କଳାହାଣ୍ଡି, ୧୪। ୯  : ଥୁଆମୂଳ ରାମପୁର ବ୍ଲକ କିଆପଦର ଗାଁରେ ଅଭାବନୀୟ ଘଟଣା ଘଟିଛି । ପାରିବାରିକ କଳହରୁ ସାନ ଭାଇର ଗୁଳିମାଡ଼ରେ ବଡ ଭାଇ ଗୁରୁତର ହୋଇଛି ।  ଗୁରୁତର ଯୁବକ ଜଣକ ହେଲେ କିଆପଦର ଗାଁର ଯୁବରାଜ ପାଣ୍ଡେ(୬୦) । ଯୁବରାଜଙ୍କୁ  ଗୁରୁତର ଅବସ୍ଥାରେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ  ଭର୍ତ୍ତି କରାଯାଇଛି । 

ସେ ଘର ବାହାରେ ଠିଆ ହେଇଥିବା ସମୟରେ ତାଙ୍କ ସାନ ଭାଇ କାର୍ତ୍ତିକ ପାଣ୍ଡେ କିଛି ପାରିବାରିକ କଳହ କୁ ନେଇ ତାଙ୍କୁ ଏକ ଦେଶୀ ବନ୍ଧୁକରୁ ପଛପଟୁ ଗୁଳି ମାରିଥିଲେ ।   ଗୁରୁତର ଅବସ୍ଥାରେ ପରିବାର ଲୋକେ ତାଙ୍କୁ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ  । ଯୁବରାଜଙ୍କ ଶରୀରରେ  ୨ଟି ଗୁଳି ବାଜିଥିବା ଜଣାପଡିଛି । ଏ ନେଇ କର୍ଲାପାଟ ଥାନାରେ ଏକ ମାମଲା ରୁଜ୍ଜୁ  ହୋଇଛି। ଘଟଣାସ୍ଥଳରେ କର୍ଲାପାଟ ପୋଲିସ ପହଞ୍ଚି ତଦନ୍ତ କରୁଛି।