ନୂଆଦିଲ୍ଲୀ,୨୨/୯ : କ୍ବାଡ ସମ୍ମିଳନୀରେ ପହଞ୍ଚିଥିବା ପ୍ରଧାନମନ୍ତ୍ରୀ ମୋଦୀଙ୍କ ଆମେରିକା ରାଷ୍ଟ୍ରପତି ଜୋ ବାଇଡେନଙ୍କ ମଧ୍ୟରେ ଦ୍ବିପାକ୍ଷୀକ ବାର୍ତ୍ତା କେତେକ ଦୃଷ୍ଟିରୁ ବହୁ ଗୁରୁତ୍ବପୂର୍ଣ୍ଣ ବୋଲି ଧରାଯାଉଛି । ଏହି ଆଲୋଚନାରୁ ଗୋଟିଏ କଥା ଏହା ଆସୁଛି କି ବାଇଡେନ ଭାରତର ସଂଯୁକ୍ତ ରାଷ୍ଟ୍ର ସୁରକ୍ଷା ପରିଷଦ(UNSC ) ରେ ସଂସ୍କାର ହେବା ଆବଶ୍ୟକ ବୋଲି ଦାବିକୁ ସମର୍ଥନ କରିଛନ୍ତି । ଭାରତ କହି ଆସୁଛି କି ବର୍ତ୍ତମାନ ବୈଶ୍ବିକ ପରିସ୍ଥିତିକୁ ଦେଖି ଏହି ଗ୍ରୁପରେ ପରିବର୍ତ୍ତନ ନିହାତି ଆବଶ୍ୟକ ଅଟେ ।

ପ୍ରଧାନମନ୍ତ୍ରୀ ମୋଦୀ ପୁଣି ଥରେ ୟୁଏନଏସସିରେ ଭାରତର ସ୍ଥାୟୀ ସଦସ୍ୟତାର ମୁଦ୍ଦା ଆମେରିକା ସାମ୍ନାରେ ଉଠାଇଛନ୍ତି । ବାଇଡେନ ସହ ଭେଟଘାଟ ସମୟରେ ପିଏମ ମୋଦୀ କହିଛନ୍ତି କି ୟୁଏନଏସସିର ଗଠନ ଦ୍ବିତୀୟ ବିଶ୍ବ ଯୁଦ୍ଧ ପରେ ହୋଇଥିଲା । ସେତେବେଳର ବୈଶ୍ବିକ ପରିସ୍ଥିତି ବହୁତ ଭିନ୍ନ ଥିଲା। ସେହି ପରିସ୍ଥିତିକୁ ଧ୍ୟାନରେ ରଖି ଦେଶକୁ ସେଥିରେ ସାମିଲ କରାଯାଇଥିଲା । କିନ୍ତୁ ଏବେ ବହୁ ଲମ୍ବା ସମୟ ହୋଇଗଲାଣି। ବର୍ତ୍ତମାନର ବୈଶ୍ବିକ ସ୍ଥିତି ବହୁତ ଭିନ୍ନ ଅଟେ । ଏଭଳି ସ୍ଥଳେ ୟୁଏନଏସସିର ସଂସ୍କାର ଆବଶ୍ୟକ ଅଟେ । ଆମେରିକା ଭାରତର ୟୁଏନଏସସିରେ ସ୍ଥାୟୀ ସଦସ୍ୟର ସମର୍ଥନ କରିଛି । ଜୋ ବାଇଡେନ ଏହି କଥାକୁ ମାନିଛନ୍ତି କି ଭାରତକୁ ଏହି ସମୂହରେ ସ୍ଥାନ ମିଳିବା ଆବଶ୍ୟକ ।