ବୌଦ୍ଧ, ୧୪/୦୯ : ବଜ୍ରାଘାତରେ ୧୪ ଛେଳି ମୃତ। କଣ୍ଟାମାଳ ବ୍ଲକ ଲମ୍ୱସରି ପଞ୍ଚାୟତ ଖଇରମାଳ ଗ୍ରାମରେ ଏଭଳି ଘଟଣା ଘଟିଛି। ଗ୍ରାମର ରମେଶ ମହାପାତ୍ର, ଚକା କହଁର ଓ ସୁଶିଲ ମଲ୍ଲିକଙ୍କ ଛେଳି ମରିଥିବା ସୂଚନା ମିଳିଛି।
ସୂଚନାନୁଯାୟୀ, ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଅଞ୍ଚଳରେ ମଧ୍ୟାହ୍ନରେ ବହୁ ଜୋର୍ରେ ଘଡଘଡି ବିଜୁଳି ମାରିବା ସହିତ ବର୍ଷା ହୋଇଥିଲା। ଏହି ସମୟରେ ଲମ୍ୱସରି ପଞ୍ଚାୟତ ଖଇରମାଳ ଗ୍ରାମର ରମେଶ ମହାପାତ୍ର, ଚକା କହଁର ଓ ସୁଶିଲ ମଲ୍ଲିକଙ୍କ ଛେଳି ଗ୍ରାମ ପଡିଆରେ ଚରୁଥିଲେ। ଅଚାନକ ଘଡଘଡି ବିଜୁଳି ମାରିଥିବାରୁ ୧୪ଟି ଛେଳିଙ୍କ ମୃତ୍ୟୁ ହୋଇଛି। ତେବେ ପ୍ରଶାସନ ପକ୍ଷରୁ ମୃତ ଛେଳିର ମାଲିକଙ୍କୁ କ୍ଷତିପୂରଣ ଯୋଗାଇ ଦେବାକୁ ଦାବି ହୋଇଛି।
