ପଦ୍ମପୁର ୨୬/୦୨: ମାଟ୍ରିକ୍ ପରୀକ୍ଷା ବେଳେ ଅସଦାଚରଣ । କପି ଚେକିଂ ଆଳରେ ପରୀକ୍ଷାର୍ଥିଙ୍କ ଶରୀରର ସମ୍ବେଦନଶୀଳ ସ୍ଥାନରେ ଶିକ୍ଷକ ହାତ ମାରୁଛନ୍ତି । ଏଭିଳି ଅଭିଯୋଗ ଆସିଛି ବରଗଡ଼ ଜିଲ୍ଲାର ପଦ୍ମପୁର ଉପଖଣ୍ଡରୁ । ମେଲଛାମୁଣ୍ଡା ସରକାରୀ ଇଚ୍ଚ ବିଦ୍ୟାଳୟରେ ପରୀକ୍ଷା ଦେଇଥିବା ବିରଜାମ, ସନିମାଲ, ବିଜାପାଲି ଓ ସାଲେପାଲି ଉଚ୍ଚ ବିଦ୍ୟାଳୟର ପରୀକ୍ଷାର୍ଥୀଙ୍କୁ ଶିକ୍ଷକମାନେ କିପି ଚେକିଂ କରିବାକୁ କହି ଡ୍ରେସ୍ କାଢ଼ି ଦେଉଛନ୍ତି । ଏନେଇ ମେଲଛାମୁଣ୍ଡା ଥାନାରେ ଅଭିଯୋଗ କରିଛନ୍ତି ଛାତ୍ରଛାତ୍ରୀ ।

ସେପଟେ ଥାନା ଅଧିକାରୀ ପିଲାଙ୍କୁ ବୁଝାସୁଝା ପ୍ରଥମେ ପରୀକ୍ଷା ଦିଆ ବୋଲି କହିଥିଲେ । ପରୀକ୍ଷା ପରେ ଅଭିଯୁକ୍ତ ଶିକ୍ଷକଙ୍କ ବିରୋଧରେ ତଦନ୍ତ କରାଯିବ ଏବଂ ତଦନ୍ତରେ ପ୍ରମାଣ ମିଳିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଥାନା ଅଧିକାରୀ କହିଥିଲେ । ଏହା ପରେ ଶତାଧିକ ଛାତ୍ରଛାତ୍ରୀ ପରୀକ୍ଷା ସେଣ୍ଟରକୁ ଯାଇ ଗଣିତ ପରୀକ୍ଷା ଦେଇଥିଲେ ।