ରାଉରକେଲା,୧୧/୧୧: ରାଉରକେଲା ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟର ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜ (୩୫)ଙ୍କ ସନ୍ଦେହଜନକ ମୃତ୍ୟୁ ଘଟଣାର ତଦନ୍ତ ଦାୟିତ୍ୱ ପୁଲିସ୍ ବିଭାଗର ମାନବଧିକାର ସୁରକ୍ଷା ସେଲ୍(ଏଚ୍ଆରପିସି) ନେବା ପରେ ସବୁ ଦିଗରୁ ଯାଞ୍ଚ ଆରମ୍ଭ କରିଥିଲା । ଏବେ ଆସିଷ୍ଟାଣ୍ଟ କଲେକ୍ଟରଙ୍କ ମୋବାଇଲ୍ରୁ ମିଳିଛି ନୂଆ ସୁରାକ୍ । ସେହି ସୁରାକ୍ ଆଧାର କରି ଯାଞ୍ଚ ପ୍ରକ୍ରିୟା ଆଗଉଥିବା ସେହି ସେଲ୍ର ଡିଏସ୍ପି ବନିତା ମାଝି କହିଛନ୍ତି ।
ମିଳିଥିବା ସୂଚନା ଅନୁସାରେ, ମୃତ୍ୟୁ ଘଟଣାର ତଦନ୍ତ କରିବା ପାଇଁ ଆସିଷ୍ଟାଣ୍ଟ କଲେକ୍ଟରଙ୍କ ମୋବାଇଲ୍ ଭୁବନେଶ୍ୱରକୁ ପଠାଯାଇଥିଲା । ସେଠାରେ ମୋବାଇଲ୍ର ମେସେ୍ଜ୍, ହ୍ୱାଟ୍ସଆପ୍, ଇନ୍ଷ୍ଟାଗ୍ରାମ ଏବଂ ଫେସ୍ବୁକ୍ର ତନାଘନା କରାଯାଇଥିଲା । ସେଥିରୁ କିଛି ସୁରାକ୍ ପୁଲିସ୍ର ହସ୍ତଗତ ହୋଇଥିବା ଜଣାପଡ଼ିଛି । ସେହିସବୁ ସୁରାକ୍ରୁ ଏହି ଘଟଣାର ପର୍ଦ୍ଦାଫାଶ ହେବ ବୋଲି ଏଚ୍ଆରପିସି ଟିମ୍ ଆଶା ବାନ୍ଧିଛି।