ଭୁବନେଶ୍ଵର, ୧୮/୦୯ : ହିନ୍ଦୁ ଧର୍ମାନୁସାରେ ବିଶ୍ୱାସ ରହିଛି ତୁଳସୀ ଗଛରେ ପ୍ରତିଦିନ ଜଳ ଚଢ଼ାଇବା ସହ ପୂଜା କରିବା ଦରକାର। ଏହାଦ୍ୱାରା ମା’ ଲକ୍ଷ୍ମୀ ସନ୍ତୁଷ୍ଟ ହେବା ସହ ଘରେ ସୁଖ-ସମୃଦ୍ଧି ବାସ କରେ। ତେବେ ତୁଳସୀ ପୂଜା କରିବା ସହିତ କିଛି ଦିଗ ପ୍ରତି ଧ୍ୟାନ ଦେବା ଦରକାର । ବିଶେଷ କରି ତୁଳସୀ ଗଛ ପାଖରେ  ଏପରି କିଛି ଜିନିଷ ରଖନ୍ତୁ ନାହିଁ, ସକାରାତ୍ମକ ଶକ୍ତି  ବଦଳରେ ନକରାତ୍ମକ ଶକ୍ତି ଉତ୍ପନ୍ନ କରାଇବ । 

ସେ  ଜିନିଷଗୁଡ଼ିକ ହେଉଛି... ତୁଳସୀ ଚଉରା  ଅବା ତୁଳସୀ ଗଛ ଥିବା ସ୍ଥାନ ଯେପରି ସଫା ସୁତୁରା ରହେ । ଏହା ପାଖରେ ଅଳିଆ ଆବର୍ଜନା ରଖନ୍ତୁ ନାହିଁ ନଚେତ୍‌  ନକରାତ୍ମକ ଶକ୍ତି ସୃଷ୍ଟି ହୋଇ ପରିବାରରେ ଅଶାନ୍ତି ଦେଖାଦେବ। ତୁଳସୀ ଗଛ ପାଖରେ ଝାଡୁ ରଖନ୍ତୁ ନାହିଁ । ଏହାଦ୍ୱାରା ମା’ ଲକ୍ଷ୍ମୀ ଅସନ୍ତୁଷ୍ଟ ହେବେ। ଚପଲ କିମ୍ବା ଜୋତା ମଧ୍ୟ ତୁଳସୀ ପାଖରେ ରଖନ୍ତୁ ନାହିଁ । କାରଣ ଏହା ମା’ ପ୍ରତି ଅପମାନଜନକ । ଏହାଦ୍ୱାରା ଘରେ ଅଶାନ୍ତି ବୃଦ୍ଧି ପାଏ । ତୁଳସୀ ଗଛ ପାଖରେ କଣ୍ଟା ଗଛ ଲଗାନ୍ତୁ ନାହିଁ । ନଚେତ୍‌ ଘରେ ନକାରାତ୍ମକ ଶକ୍ତି ପ୍ରବେଶ କରିବ ।