ରାଞ୍ଚି : ପଲାମୁର ରଜୱାଡିହ ଠାରେ ପଣ୍ଡିତ ଧିରେନ୍ଦ୍ର କୃଷ୍ଣ ଶାସ୍ତ୍ରୀ (ବାଗେଶ୍ୱର ଧାମ)ଙ୍କର କଥା ଆୟୋଜନ ପାଇଁ ହାଇକୋର୍ଟଙ୍କ ଠାରୁ ସର୍ତ୍ତମୂଳକ ଅନୁମତି ମିଳିଛି। ହାଇକୋର୍ଟ କହିଛନ୍ତି ଯେ , ଧାର୍ମିକ ଆୟୋଜନ  ଓ କଥା ପ୍ରସଙ୍ଗକୁ ରୋକା ଯାଇ ପାରିବ ନାହିଁ। ସରକାର ସୁଚାରୁ ରୂପେ ଆୟୋଜନ ନେଇ କିଛି ସର୍ତ୍ତ ରଖି ପାରନ୍ତି। 

ଧିରେନ୍ଦ୍ର ଶାସ୍ତ୍ରୀଙ୍କୁ ଯୁବତୀ ଦେଲେ ଏମିତି ପ୍ରତିକ୍ରିୟା , ସୋସିଆଲ ମିଡ଼ିଆରେ ଭିଡ଼ିଓ ଭାଇରାଲ

ଏହାସହ କୋର୍ଟ ଏହି ପିଟିସନକୁ ଅନୁମୋଦିତ କରିଛନ୍ତି। ପଲାମୁ ଡିସି କଥାର ଆୟୋଜନର ଅନୁମତି ଦେଇ ନଥିଲେ। ଏହା ବିରୋଧରେ ହାଇକୋର୍ଟରେ ପିଟିସନ ଦାଏର କରାଯାଇ ଥିଲା। କଥାର ଆୟୋଜନ ୧୦ରୁ ୧୫ ଫେବ୍ରୁଆରୀ ଯାଏ ହେବାର ଅଛି। 

ପଲାମୁର ଡିସି ଶଶି ରଞ୍ଜନ ଧିରେନ୍ଦ୍ର କୃଷ୍ଣ ଶାସ୍ତ୍ରୀଙ୍କ କଥା ପାଇଁ ଅନୁମତି ଦେବାକୁ ମନା କରିଦେଇ ଥିଲେ। ସେ କହିଥିଲେ କି ଯେଉଁଠି ଆୟୋଜନ ପ୍ରସ୍ତାବିତ ଅଛି , ତାହା ଏକ ନଦୀ କୂଳ ଏବଂ ଏଥିରେ ଇକୋ ସିଷ୍ଟମ ପ୍ରଭାବିତ ହେବ । ଏହାପରେ ଆୟୋଜକମାନେ ହାଇକୋର୍ଟର ଦ୍ୱାରସ୍ଥ ହୋଇଥିଲେ ।