ଲମତାପୁଟ, ୨୬/୦୧ : ହାଡ଼ଭଙ୍ଗା ଶୀତରୁ ନିସ୍ତାର ନାହିଁ। ଲମତାପୁଟରେ ଶୀତ ଲହରି ଜାରି ରହିଥିବା ବେଳେ କୁହୁଡ଼ି ସାଧାରଣ ଜନଜୀବନ ଅସ୍ତବ୍ୟସ୍ତ କରିଦେଲାଣି l ଲମତାପୁଟରେ ୯ ଡିଗ୍ରୀ ତଳେ ପାରଦ ରହିଛି l ୩ ଦିନ ହେଲା କୋହଲା ପାଗ ପରେ ପୁଣି ଶୀତର ଲହରୀ ଜାରି ରହିଛି l ଦିନ ୧୧ଟା ପର୍ଯ୍ୟନ୍ତ କୁହୁଡ଼ି ସାରା ଅଞ୍ଚଳକୁ ଢାଙ୍କି ରଖୁଛି l ଅପରାହ୍ନ ଦୁଇଟା ପରେ ସୂର୍ଯ୍ୟଙ୍କ ଦେଖା ମିଳୁନି l
କୁହୁଡି ଏତେ ପରିମାଣର ରହିଛି ରାସ୍ତାଘାଟରେ ଗାଡି ଚଳାଇବା ମୁସ୍କିଲ ହୋଇ ପଡିଛି l ଘନ କୁହୁଡ଼ି ସକାଶେ ଯାନବାହନ ଯାତାୟତରେ ବହୁ ଅସୁବିଧାର ସମୁଖୀନ ହେଉଛନ୍ତି l ବହୁ ଗାଡି ମଟର ଦୁର୍ଘଟଣାର ସମ୍ମୁଖୀନ ହେଉଥିବା ନଜରକୁ ଆସିଛି l ପାଣିପାଗ ସୂଚନା ଅନୁଯାୟୀ ୩୦ ତାରିଖ ପର୍ଯ୍ୟନ୍ତ ଏହିଭଳି ଶୀତ ଏବଂ କୁହୁଡ଼ି ଲାଗିରହିବ l