ନୂଆଦିଲ୍ଲୀ : ଗତ କିଛି ଦିନ ହେବ ରାଜନୀତିକ କାର୍ଯ୍ୟକଳାପ ମଧ୍ୟରେ ମାଳଦ୍ୱୀପର ରାଷ୍ଟ୍ରପତି ମହମ୍ମଦ ମୁଇଜ୍ଜୁ ଭାରତର ୭୫ତମ ଗଣତନ୍ତ୍ର ଦିବସ ଅବସରରେ ଶୁଭକାମନା ଦେଇଛନ୍ତି। ମାଳଦ୍ୱୀପର ରାଷ୍ଟ୍ରପତି ଭାରତ ନାମରେ ନିଜର ଶୁଭେଚ୍ଛା ବାର୍ତ୍ତାରେ ବହୁ ଦିନର ବନ୍ଧୁତାକୁ ମନେପକାଇଛନ୍ତି। ମାଳଦ୍ୱୀପର ରାଷ୍ଟ୍ରପତି କାର୍ଯ୍ୟାଳୟ ଏକ ବିବୃତ୍ତିରେ କହିଛନ୍ତି, ରାଷ୍ଟ୍ରପତି ମହମ୍ମଦ ମୁଇଜ୍ଜୁ ଭାରତର ୭୫ତମ ଗଣତନ୍ତ୍ର ଦିବସର ଅବସରରେ ଭାରତର ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ଶୁଭେଚ୍ଛା ଓ ଶୁଭକାମନା ପଠାଇଛନ୍ତି। ଭାରତର ୭୫ତମ ଗଣତନ୍ତ୍ର ଦିବସର ଉପଲକ୍ଷେ ରାଷ୍ଟ୍ରପତି ମୁର୍ମୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅଲଗା ଅଲଗା ବାର୍ତ୍ତାରେ ରାଷ୍ଟ୍ରପତି ମୁଇଜ୍ଜୁ ଶୁଭେଚ୍ଛା ଓ ଶୁଭକାମନା ଦେଇଛନ୍ତି। 

ନିଜର ବାର୍ତ୍ତାରେ ରାଷ୍ଟ୍ରପତି ମୁଇଜ୍ଜୁ ଆଗାମୀ ବର୍ଷରେ ଭାରତ ସରକାର ଓ ଭାରତୀୟଙ୍କ ପାଇଁ ନିରନ୍ତର ଶାନ୍ତି , ପ୍ରଗତି ଓ ସମୃଦ୍ଧିର ଆଶା ମଧ୍ୟ ବ୍ୟକ୍ତ କରିଛନ୍ତି। ମୁଇଜ୍ଜୁଙ୍କ କାର୍ଯ୍ୟାଳୟ ନିଜ ବୟାନରେ କହିଛି, ରାଷ୍ଟ୍ରପତି ମୁଇଜ୍ଜୁ ମାଳଦ୍ୱୀପର ସରକାର ଓ ଲୋକଙ୍କ ପକ୍ଷରୁ ଭାରତର ସରକାର ଓ ଭାରତୀୟଙ୍କୁ ଶୁଭକାମନା ଦେଇଛନ୍ତି। ସେ ଅନେକ ଦଶନ୍ଧିର ବନ୍ଧୁତା , ପାରସ୍ପରିକ ସମ୍ମାନ ଓ ଗଭୀର ସଂପର୍କରେ ବାନ୍ଧି ହୋଇଥିବା ଭାରତ-ମାଳଦ୍ୱୀପର ସମ୍ୱନ୍ଧକୁ ଦୋହରାଇଛନ୍ତି। 

ମାଳଦ୍ୱୀପର ପୂର୍ବତନ ରାଷ୍ଟ୍ରପତି ଇବ୍ରାହିମ୍‌ ସୋଲିହ ମଧ୍ୟ ୭୫ତମ ଗଣତନ୍ତ୍ର ଦିବସରେ ଭାରତକୁ ଶୁଭେଚ୍ଛା ଦେଇଛନ୍ତି ଏବଂ ଦୁଇ ଦେଶର ଅତୁଟ ବନ୍ଧନକୁ ଦୃଢତାର ସହ ଆଗାକୁ ନେବା ପାଇଁ ଆହ୍ୱାନ ଦେଇଛନ୍ତି। ସୋଲିହ ଏକ୍ସରେ ଲେଖିଛନ୍ତି , ଭାରତର ୭୫ତମ ଗଣତନ୍ତ୍ର ଦିବସର ଖୁସିର ଅବସରରେ ମୁଁ ରାଷ୍ଟ୍ରପତି ମୁର୍ମୁ ପ୍ରଧାନମନ୍ତ୍ରୀ ସରକାର ଓ ଭାରତର ଲୋକଙ୍କୁ ଶୁଭକାମନା ଜଣାଉଛି।