ପେଶାଓ୍ବାର, ୦୭/୦୯: ଟିଟିପି ଆତଙ୍କବାଦୀଙ୍କ ଟାର୍ଗେଟରେ ପାକିସ୍ତାନର ସେନା । ପୁଣି ଆତ୍ମଘାତୀ ବିସ୍ଫୋରଣ କଲା ଟିଟିପି । ଖୈବର ପଖତନୁଖ୍ବାରେ ଏକ ସେନା ଗାଡ଼ି ନିକଟରେ ଆତ୍ମଘାତୀ ବିସ୍ଫୋରଣ ନେଇ ଖବର ମିଳିଛି । ତେବେ ଏଥିରେ ଆକ୍ରମଣକାରୀ ନିଜକୁ ଉଡ଼ାଇ ଦେଇଛି । ହେଲେ ଏହି ଆକ୍ରମଣରେ କେହି ମୃତାହତ ହୋଇନଥିବା କୁହାଯାଉଛି ।

ଆୟର୍ଲାଣ୍ଡ: ସବୁଠାରୁ ଶସ୍ତା ଏୟାରଲାଇନ୍ସର ସିଇଓଙ୍କ ମୁହଁରେ କେକ୍‌ ବୋଳିଲେ ପରିବେଶବିତ୍‌

ତେବେ ମିଳିଥିବା ସୂଚନା ଅନୁସାରେ, ଆକ୍ରମଣକାରୀ ନିଜ ଶୀରରରେ ବୋମା ଖଞ୍ଜି ନିଜକୁ ଉଡ଼ାଇ ଦେଇଥିଲା । ବଜିରସ୍ତାନ ନିକଟରେ ଭୟାବହ ବିସ୍ଫୋରଣ ଘଟିଛି । ବିସ୍ଫୋରଣ ନେଇ ଖବର ମିଳିବା ପରେ ପୋଲିସ ଏବଂ ସେନା ଘଟଣାସ୍ଥଳରେ ପହଞ୍ଚିଛନ୍ତି । ସେଠାରେ ଘେରାବନ୍ଦୀ କରିବା ସହ ବିସ୍ଫୋରଣର ମାଷ୍ଟରମାଇଣ୍ଡ ପାଇଁ ଅପରେସନ ଚଳାଇଛନ୍ତି ।

ଅନ୍ୟପଟେ ଆଜି ବଲୁଚିସ୍ତାନର ରାଜଧାନୀରେ ପାକିସ୍ତାନ ସେନା ୫ ଜଣ ଟିଟିପି ଆତଙ୍କବାଦୀଙ୍କୁ ହତ୍ୟା କରିଥିବା ଜଣାପଡ଼ିଛି । ବଡ଼ ଧରଣର ସର୍ଚ୍ଚ ଅପରେସନ୍‌ ମାଧ୍ୟମରେ ଟିଟିପି ଆତଙ୍କବାଦୀଙ୍କୁ କାବୁ କରିଥିଲେ ପାକ୍ ସେନା । ଏହା ସହ ଇସଲାମିକ ଷ୍ଟେଟ୍‌ (ଆଇଏସଆଇଏସ) ଆତଙ୍କବାଦୀଙ୍କୁ ମଧ୍ୟ ହତ୍ୟା କରିଛି ପାକ ସେନା ।  ଆଜି ମୋଟ ୧୩ ଜଣ ଆତଙ୍କବାଦୀଙ୍କୁ ମାରିଛି ପାକିସ୍ତାନ ସେନା ।

You can also read: ଲୋକେ ମାଂସ ଖାଉଛନ୍ତି ଏଥିପାଇଁ ହିମାଚଳରେ ଆସୁଛି ବିପର୍ଯ୍ୟୟ , ଆଇଆଇଟି ନିର୍ଦ୍ଦେଶକଙ୍କ ବୟାନକୁ ନେଇ ବଢ଼ିଲା ବିବାଦ