ନୂଆଦିଲ୍ଲୀ: ଇଂଲଣ୍ଡ ବିପକ୍ଷରେ ଚତୁର୍ଥ ଟେଷ୍ଟ ମ୍ୟାଚ୍ରେ କମାଲ କଲା ଟିମ ଇଣ୍ଡିଆ । ୫ ଓ୍ବିକେଟରେ ମ୍ୟାଚ୍ ଜିତିବା ସହ ସିରିଜ୍ କବଜା କରିଛି ଦଳ । ଏହା ସହ ଘରୋଇ ମଇଦାନରେ ଭାରତ ଲଗାତାର ୧୭ଟି ଟେଷ୍ଟ ସିରିଜ୍ରେ ବିଜୟୀ ହୋଇଛି । କହିବାକୁ ଗଲେ ଭାରତୀୟ ଟିମ୍ ନିଜ ଘରେ ଇଂଲଣ୍ଡ ବିପକ୍ଷରେ ବିଜୟର ହ୍ୟାଟ୍ରିକ୍ କରିଛି । ଏହା ପୂର୍ବରୁ ଇଂଲଣ୍ଡକୁ ଭାରତରେ ୨ ଥର ହରାଇଥିଲା ଟିମ୍ ଇଣ୍ଡିଆ ।
ଭାରତ ଏମିତି ଏକ ଟିମ୍ ଯିଏ ନିଜ ଦେଶରେ ଲଗାତାର ୧୭ଟି ଟେଷ୍ଟ ସିରିଜ୍ ଜିତିପାରିଛି । ଏହା ପରେ ଦ୍ବିତୀୟ ସ୍ଥାନରେ ରହିଛି ଅଷ୍ଟ୍ରେଲିଆ କ୍ରିକେଟ ଟିମ୍ । କଙ୍ଗାରୁ ଦଳ ନିଜ ଦେଶରେ ଲଗାତାର ୧୦ଟି ଟେଷ୍ଟ ସିରିଜ୍ ଜିତିଛି । ହେଲେ ଅଷ୍ଟ୍ରେଲିଆ ନିଜ ମଇଦାନରେ ଦୁଇ ଥର ୧୦ଟି ଲେଖାଏଁ ସିରିଜ୍ ବିଜୟୀ ହେବାରେ ପ୍ରଥମ ଦଳ । ଅଷ୍ଟ୍ରେଲିଆ ପ୍ରଥମ ଥର ନଭେମ୍ବର ୧୯୯୪ରୁ ନଭେମ୍ବର ୨୦୦୦ ମଧ୍ୟରେ ଲଗାତାର ୧୦ଟି ସିରିଜ୍ରେ ବିଜୟ ହାସଲ କରିଥିଲା । ଦ୍ବିତୀୟ ଚରଣରେ ଜୁଲାଇ ୨୦୦୪ରୁ ନଭେମ୍ବର ୨୦୦୮ ମଧ୍ୟରେ ଲଗାତାର ୧୦ଟି ଟେଷ୍ଟ ସରିଜ୍ରେ ବିଜୟୀ ହୋଇଥିଲା ଅଷ୍ଟ୍ରେଲିଆ ଟିମ୍ ।
୧. ଅଷ୍ଟ୍ରେଲିଆ: ୪-୦ରେ ଭାରତ ବିଜୟୀ, ଫେବୃଆରୀ ୨୦୧୩
୨. ଓ୍ବେଷ୍ଟ ଇଣ୍ଡିଜ୍: ୨-୦ରେ ସିରିଜ ଜିତିଥିଲା ଭାରତ, ନଭେମ୍ବର ୨୦୧୩
୩. ଦକ୍ଷିଣ ଆଫ୍ରିକା: ୩-୦ରେ ଭାରତ ବିଜୟୀ, ନଭେମ୍ବର ୨୦୧୫
୪.ନ୍ୟୁଜିଲାଣ୍ଡ: ୩-୦ରେ ଭାରତ ବିଜୟୀ, ସେପ୍ଟେମ୍ବର ୨୦୧୬
୫.ଇଂଲଣ୍ଡ: ୪-୦ରେ ଜିତିଥିଲା ଭାରତ, ନଭେମ୍ବର ୨୦୧୬
୬. ବଂଲାଦେଶ: ଭାରତ ୧-୦ରେ ସିରିଜ ବିଜୟୀ, ଫେବୃଆରୀ ୨୦୧୭
୭.ଅଷ୍ଟ୍ରେଲିଆ: ଭାରତ ୨-୧ରେ ସିରିଜ୍ ବିଜୟୀ, ଫେବୃଆରୀ ୨୦୧୭
୮. ଶ୍ରୀଲଙ୍କା: ଭାରତ ୧-୦ରେ ସିରିଜ ଜିତିଥିଲା, ନଭେମ୍ବର ୨୦୧୭
୯.ଆଫଗାନିସ୍ତାନ: ୧-୦ରେ ସିରିଜ୍ କବଜା କରିଥିଲା ଭାରତ, ଜୁନ ୨୦୧୮
୧୦.ଓ୍ବେଷ୍ଟ ଇଣ୍ଡିଜ୍: ଭାରତ ୨-୦ରେ ସିରିଜ୍ ବିଜୟୀ, ଅକ୍ଟୋବର ୨୦୧୮
୧୧.ଦକ୍ଷିଣ ଆଫ୍ରିକା: ୩-୦ରେ ଭାରତ ବିଜୟୀ, ଅକ୍ଟୋବର ୨୦୧୯
୧୨.ବାଂଲାଦେଶ: ଭାରତ ୨-୦ରେ ସିରିଜ୍ କବଜା କରିଥିଲା, ନଭେମ୍ବର ୨୦୧୯
୧୩.ଇଂଲଣ୍ଡ: ୩-୧ରେ ଭାରତ ବିଜୟୀ, ୨୦୨୦-୨୦୨୧
୧୪.ନ୍ୟୁଜିଲାଣ୍ଡ: ଭାରତ ୧-୦ରେ ସିରିଜ୍ ଜିତିଥିଲା, ୨୦୨୧
୧୫. ଶ୍ରୀଲଙ୍କା: ୨-୦ରେ ବିଜୟୀ ଭାରତ, ୨୦୨୨
୧୬. ଅଷ୍ଟ୍ରେଲିଆ: ଭାରତ ୨-୧ରେ ସିରିଜ୍ ଜିତିଥିଲା, ୨୦୨୩
୧୭. ଇଂଲଣ୍ଡ: ଭାରତ ୩-୧ (୫)ରେ ସିରିଜ୍ କବଜା କରିଛି, ବାକିି ରହିଛି ଗୋଟିଏ ମ୍ୟାଚ୍ ।