କଟକ,୨୯/୦୧: ଆସନ୍ତା ୨୯ ତାରିଖରେ ଏଆଇସିସି ସଭାପତି ମଲିକାର୍ଜୁନ ଖଡଗେ ଭୁବନେଶ୍ୱର ଆସୁଛନ୍ତି । ପିଏମ୍ଜି ଛକରେ ଦଳୀୟ ସମାବେଶକୁ ସଫଳ କରିବା ପାଇଁ କଂଗେସ ନେତାଙ୍କ ମହଲରେ ତତ୍ପରତା ପ୍ରକାଶ ପାଇଛି । ଉକ୍ତ କାର୍ଯ୍ୟକ୍ରମରେ କଟକରୁ ବହୁ କଂଗ୍ରେସ କର୍ମୀ ସାମିଲ୍ ହେବେ । ତେବେ ଭୁବନେଶ୍ୱର ପିଏମ୍ଜି ଛକ ସମାବେଶରେ କର୍ମୀ ଏବଂ ଦଳୀୟ ସମର୍ଥକଙ୍କୁ ପହଞ୍ଚାଇବା ପାଇଁ ବିଧାୟକ ଇଂ ମହମ୍ମଦ ମୋକିମ ଏବଂ ନଗର ସଭାପତି ସୁରେଶ ମହାପତ୍ରଙ୍କ ପୃଥକ୍ ପ୍ରସ୍ତୁତି ଚାଲିଛି । ଉଭୟ ନେରା ଦଳବଳ ନେଇ ରାଜ୍ୟ ନେତାଙ୍କ ପାଖରେ ନିଜ ପତିଆରା ଦେଖାଇବା ଲାଗି ପ୍ରସ୍ତୁତ ହେଉଛନ୍ତି । ଖଡ୍କେଙ୍କ କାର୍ଯ୍ୟକ୍ରମରେ ମୋକିମ୍ ୫ ହଜାର କର୍ମୀଙ୍କୁ ଭୁବନେଶ୍ୱର ନେବା ଲାଗି ଲକ୍ଷ୍ୟ ରଖିଥିବା ସେ କହିଛନ୍ତି । ଏ ନେଇ ମୋକିମ୍ଙ୍କ କ୍ୟାମ୍ପ୍ରେ ଆଜି ଏକ ପ୍ରସ୍ତୁତି ବୈଠକ ବସିଥିଲା ।
ଏଥିରେ ପୂର୍ବତନ ନଗର କଂଗ୍ରେସ କମିଟି ସଭାପତି ଗିରିବାଳା ବେହେରା, କର୍ପୋରେଟର ସନ୍ତୋଷ କୁମାର ଭୋଳ, ସୁବାଶିଷ ପଟ୍ଟନାୟକ, ଲିଜାରାଣୀ ରାଉତ, ଭାନୁ ସେନାପତି, ସ୍ୱର୍ଣ୍ଣପ୍ରଭା ପଶାୟତ, ଜେ. କାମେଶ୍ୱର ରାଓ, ଜନାର୍ଦ୍ଦନ ପରିଡ଼ା, ବରିଷ୍ଠ କଂଗ୍ରେସ ନେତା ମଜିଦ ଖାନ, ସେକ ଲିଆକତ ଉଦ୍ଦିନ ଅହମ୍ମଦ, ନିକୁଞ୍ଜ ପଶାୟତ, ବିଶ୍ୱଜିତ ଦାସ, କେଦାର ପୃଷ୍ଟି, ଚାରୁଲତା ସାହୁ, ଶରତ ସେଠୀ, ମହମ୍ମଦ ଅଲିମ, ଅନିଲ ବେଉରା, ଆର୍ଯ୍ୟବୀର ଲେଙ୍କା, ବିକି ଚକ୍ରବ୍ରର୍ତ୍ତୀ, ବିଜୟ ନାୟକ, ଲୀନା ମହାପାତ୍ର, ଜୟଶ୍ରୀ ସାମଲ, ଇର୍ସାଦ ଖାନ, ସୟେଦ ରମଜାନ ଅଲ୍ଲୀ ପ୍ରମୁଖ ଅଂଶଗ୍ରହଣ କରିଥିଲେ ।