ଭୁବନେଶ୍ୱର, ୦୮/୦୬ : ବିଧାୟକ ଭାବେ ଶପଥ ନେବାକୁ ଆହୁରି ୨ ଦିନ ବାକି ଅଛି । କିନ୍ତୁ ନିର୍ବାଚନ ଫଳ ଜାଣିବା ପରଠୁ ନବନିର୍ବାଚିତ ବିଜେପି ବିଧାୟକ ବାବୁ ସିଂ ଏକାମ୍ର ନିର୍ବାଚନମଣ୍ଡଳୀର ବିଭିନ୍ନ ୱାର୍ଡ ଏବଂ ଗ୍ରାମ ବୁଲି ଲୋକଙ୍କୁ କୃତଜ୍ଞତା ଜଣାଇବା ସହିତ ସ୍ଥାନୀୟ ସମସ୍ୟା ପଚାରି ବୁଝୁଛନ୍ତି । ଏହି କ୍ରମରେ ସେ ଆଜି କେଦାର ଗୌରୀ ମନ୍ଦିର ବୁଲିବାକୁ ଯାଇଥିଲେ । ସେଠାରେ ଥିବା ସମସ୍ତ କୁଣ୍ଡଗୁଡିକ ଦଳରେ ଭର୍ତ୍ତି ହୋଇଥିବା ଦେଖି ସଫେଇ କରାଇଛନ୍ତି । ମହାପ୍ରଭୁ ଶ୍ରୀଲିଙ୍ଗରାଜ ଓ ମା’ଗୌରୀଙ୍କ ବିବାହ ଉତ୍ସବ ଆସନ୍ତା ସୋମବାର ଏଠାରେ ଅନୁଷ୍ଠିତ ହେବ । ତେଣୁ କିଛି ସେବାୟତ ସଫେଇ କାମକୁ ସ୍ୱଳ୍ପ ଅବଧି ମଧ୍ୟରେ ସାରିବା ଲାଗି କହିଥିଲେ । ଏହାବ୍ୟତୀତ ସେ ଆଖପାଖରେ ଥିବା ଡ୍ରେନଗୁଡିକର ସଫେଇ କାମ ମଧ୍ୟ କରାଇଛନ୍ତି ।