ମୁମ୍ବାଇ ୨୭/୦୩: ମଙ୍ଗଳବାର ରାତିରେ ମୁମ୍ବାଇ ପୋଲିସ ଏକ ହୁକା ପାର୍ଲରରେ ଚଢାଉ କରିଥିଲା। ଏହି ଚଢାଉରେ ପୋଲିସ ଷ୍ଟାଣ୍ଡ ଅପ୍ ହାସ୍ୟ ଅଭିନେତା ତଥା ବିଗ୍ ବସ୍ ଫେମ୍ ମୁନାୱାର ଫାରୁକିଙ୍କୁ ହେପାଜତରେ ନେଇଥିଲା। ହୁକ୍କା ପାର୍ଲରରେ ତମାଖୁ ସେବନ ସମ୍ପର୍କରେ ସୂଚନା ପାଇବା ପରେ ପୋଲିସ ସେଠାରେ ଚଢାଉ କରିବାକୁ ପହଞ୍ଚିଥିଲା।
ଏହି ଚଢାଉ ସହ ଜଡିତ ଜଣେ ଅଧିକାରୀ କହିଛନ୍ତି, ତମାଖୁ ସେବନ ସମ୍ପର୍କରେ ସୂଚନା ପାଇବା ପରେ ଆମ ଟିମ୍ ମୁମ୍ବାଇର ହୁକ୍କା ବାର ଉପରେ ଚଢାଉ କରିଥିଲା। ସେଠାରେ ମିଳିଥିବା ଜିନିଷ ଯାଞ୍ଚ କରିବା ପରେ ଏକ ମାମଲା ରୁଜୁ କରାଯାଇ ପଞ୍ଜୀକୃତ କରାଯାଇଥିଲା। ହେପାଜତକୁ ନିଆଯାଇଥିବା ବ୍ୟକ୍ତିଙ୍କ ମଧ୍ୟରେ ମୁନାୱାର ଫାରୁକି ମଧ୍ୟ ଅଛନ୍ତି।
Big Boss 17 winner Munawar Faruqui and 13 others were detained and a case has been registered against them in a hookah bar raid in the Fort area last night. All accused were released after questioning: Mumbai Police
— ANI (@ANI) March 27, 2024
ମୁମ୍ବାଇ ପୋଲିସ ଦ୍ୱାରା ଜାରି ବିବୃତ୍ତି ଅନୁଯାୟୀ, ଫୋର୍ଟ ଅଞ୍ଚଳର ହୁକା ପାର୍ଲରରେ ହୋଇଥିବା ଚଢାଉରେ ହେପାଜତକୁ ନିଆଯାଇଥିବା ମୁନାୱାର ଫାରୁକି ଏବଂ ଅନ୍ୟ ୧୩ ଜଣଙ୍କୁ ପଚରାଉଚରା ପରେ ମୁକ୍ତ କରାଯାଇଥିଲା। ସେମାନଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ତେବେ ମୁମ୍ବାଇ ପୋଲିସ ଦ୍ୱାରା ଗିରଫ ହେବାର ଖବର ପରେ ମୁନାୱାର ବିମାନବନ୍ଦରର ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି। ଯେଉଁଥିରେ କ୍ୟାପସନ୍ ଦେଇଛନ୍ତି, "ଥକି ଯାଇଥିଲେ ମଧ୍ୟ ମୁଁ ଯାତ୍ରା କରୁଛି ।"
