ନୂଆଦିଲ୍ଲୀ,୦୨/୦୪: ନଗଦ ସଙ୍କଟ ଦେଇ ଗତି କରୁଥିବା ଏଡୁଟେକ କମ୍ପାନି ବାଇଜୁସର କର୍ମଚାରୀଙ୍କୁ ମାର୍ଚ୍ଚ ବେତନ ଲାଗି ଏପ୍ରିଲ ୮ ଯାଏ ଅପେକ୍ଷା କରିବାକୁ ପଡ଼ିବ । ସୋମବାର ଏକ ଚିଠି ଯୋଗେ କମ୍ପାନି ପକ୍ଷରୁ ଏହାର କର୍ମଚାରୀଙ୍କୁ ଏ ନେଇ ଅବଗତ କରାଯାଇଛି । ବାଇଜୁସରେ ଏବେ ୧୫ ହଜାରରୁ ଊଦ୍ଧ୍ୱର୍ କର୍ମଚାରୀ କାମ କରୁଛନ୍ତି ।
ସୋମବାର ସୁଦ୍ଧା ବେତନ ମିଳିଯିବ ବୋଲି କର୍ମଚାରୀମାନେ ଆଶା ବାନ୍ଧି ବସିଥିଲେ । ତେବେ ଏଭଳି କିଛି ହୋଇନାହିଁ । ମାର୍ଚ୍ଚରେ ମଧ୍ୟ କର୍ମଚାରୀଙ୍କୁ ବିଳମ୍ବରେ ବେତନ ମିଳିଥିଲା । ନିବେଶକଙ୍କ ସହ ଚାଲିଥିବା ବିବାଦ କାରଣରୁ ରାଇଟ୍ସ ଇସ୍ୟୁ ଦ୍ୱାରା ସଂଗ୍ରହ ହୋଇଥିବା ଅର୍ଥ ଏବେ ଏକ ଭିନ୍ନ ଆକାଉଣ୍ଟରେ ଲକ୍ ହୋଇ ରହିଥିବାରୁ ବେତନ ପ୍ରଦାନରେ ବିଳମ୍ବ ହେଉଛି ବୋଲି କମ୍ପାନି ଚିଠିରେ ଉଲ୍ଲେଖ କରିଛି ।
