ଭୁବନେଶ୍ୱର,୧୩/୦୯: ରାଜ୍ୟରେ ଡେଙ୍ଗୁ ସଂକ୍ରମଣ ୫ ହଜାର ଡ଼େଇଁଲା । ବର୍ତ୍ତମାନ ସୁଦ୍ଧା ୫ହଜାର ୧୦୫ ରୋଗୀ  ଚିହ୍ନଟ ହେଲେଣି । ଖୋର୍ଦ୍ଧା, ସୁନ୍ଦରଗଡ଼ ଓ ବାଲେଶ୍ୱର  ତିନି ଜିଲ୍ଲାରେ ସ୍ଥିତି  ସଙ୍ଗିନ ରହିଛି । ଏବେ  ଦୈନିକ ପ୍ରାୟ ଶହେରୁ  ଅଧିକ ପାଖାପାଖି  ରୋଗୀ ଚିହ୍ନଟ  ହେବାରେ ଲାଗିଛନ୍ତି ।  

ଗୁରୁବାର ସୁନ୍ଦରଗଡ଼ରେ  ୬୪, ଖୋର୍ଦ୍ଧାରେ ୩୫ ଓ ବାଲେଶ୍ୱରରେ ୨୭ ଜଣ ଚିହ୍ନଟ  ହୋଇଛନ୍ତି ।  ଖୋର୍ଦ୍ଧା ଜିଲ୍ଲା ୧୬୨୪ ହୋଇଥିଲା ବେଳେ  ଭୁବନେଶ୍ୱରରେ ୧୪ଶହ ରହିଛି । ୨୦ ରୋଗୀ ଚିହ୍ନଟ  ହୋଇଛନ୍ତି ।  ୩୭୭ ଟେଷ୍ଟିଂ ହୋଇଥିଲା । ସେଥିରୁ  ୨୦ ରୋଗୀ ଚିହ୍ନଟ ହୋଇଛନ୍ତି । ରାଜଧାନୀବାସୀଙ୍କୁ ଏବେ  ଡେଙ୍ଗୁ ଚିନ୍ତା ଘାରିଛି । ଲୋକେ ଆତଙ୍କିତ ଅବସ୍ଥାରେ ଅଛନ୍ତି ।  ପଟିଆ ରୋଗୀ ସଂଖ୍ୟା ୬୬ରେ ପହଞ୍ଚିଲାଣି ।  ସାଲିଆ ସାହିରେ ୪୩, ଜାଗମରା ୩୪, ଖଣ୍ଡଗିରିରେ  ୩୯, ଚନ୍ଦ୍ରଶେଖରପୁରରେ ୫୩, ଆଇଆରସି ଭିଲେଜରେ  ୨୬, ଜୟଦେବ ବିହାରରେ ୩୬ ଆଦି ମୋଟ ରୋଗୀ  ଚିହ୍ନଟ ହେଲେଣି।