ନୂଆଦିଲ୍ଲୀ,୮।୧୧: ଭାରତରେ ହେଉଥିବା ବିଭିନ୍ନ ବିବାହରେ ଯୋଗ ଦେବା ପାଇଁ ବିଦେଶୀ ନାଗରିକ ଭଲ ଟଙ୍କା ଖର୍ଚ୍ଚ କରୁଛନ୍ତି। ଏଭଳି ବହୁ ଷ୍ଟାର୍ଟଅପ୍ ଚାଲିଛି, ଯାହା ଜରିଆରେ ଆପଣ ଭାରତର ବିବାହ ଗୁଡିକରେ ସାମିଲ ହୋଇପାରିବେ। ଏଭଳି ଏକ ଷ୍ଟାର୍ଟଅପ୍ ଅଷ୍ଟେ୍ରଲିଆରେ ଆଜିକାଲି ଖୁବ୍ ଫେମସ୍ ରହିଛି, ଯାହାକି ସୋସିଆଲ ମିଡିଆରେ ଖୁବ୍ ଧମାଲ କରିଛି। ସିଏନ୍ଏନ୍ର ସୂଚନା ଅନୁସାରେ, ‘ଜଏନ୍ ମାଇଁ ଓ୍ବେଡିଂ’ ନାମକ ଏହି ଷ୍ଟାର୍ଟଅପ୍କୁ ୨୦୧୬ ରେ ହଙ୍ଗେରିଆନ୍-ଅଷ୍ଟେ୍ରଲିଆନ୍ ଓରସି ପାର୍କନୀଙ୍କ ଦ୍ବାରା ଆରମ୍ଭ କରାଯାଇଥିଲା। ଏହା ଜରିଆରେ ଅଷ୍ଟେ୍ରଲିଆ ନାଗରିକ ଭାରତରେ ହେବାକୁ ଥିବା ପାରମ୍ପାରିକ ବିବାହରେ ସାମିଲ ହେଉଛନ୍ତି।
କମ୍ପାନୀ ଓ୍ବେବସାଇଟ୍ରେ କୁହାଯାଇଛି ଯେ, ଭାରତରେ ୩୦୦ ରୁ ଅଧିକ ବିଭିନ୍ନ ପ୍ରକାର ବିବାହ ହେଉଛି ଓ ଦେଶରେ ପ୍ରତି ବର୍ଷ ଏକ କୋଟିରୁ ଅଧିକ ବିବାହ ଆୟୋଜନ କରାଯାଉଛି। ‘ଜଏନ୍ ମାଇଁ ଓ୍ବେଡିଂ’ ସେହି ଯୋଡି ପର୍ଯ୍ୟନ୍ତ ପହଞ୍ଚିଥାଏ, ଯିଏକି ନିଜ ପ୍ରେମ କାହାଣୀ ଓ ବିବାହ କାର୍ଯ୍ୟକ୍ରମରେ ଅନ୍ୟ ଲୋକଙ୍କୁ ଡକାଇବାକୁ ଇଛୁକ ଅଛନ୍ତି। ଏହାପରେ ତାକୁ ଟୁରିଷ୍ଟଙ୍କୁ ଜଣାଯାଇଥାଏ ସେମାନେ ପାରମ୍ପାରିକ ପ୍ରଣାଳିରେ ଭାରତୀୟ ବିବାହ ଦେଖିବାକୁ ଚାହୁଁଛନ୍ତି କି ନାହିଁ ? ଦିନକ ପାଇଁ ଜଣେ ବ୍ୟକ୍ତିଙ୍କୁ ୧୨,୪୮୮ ଟଙ୍କା ଖର୍ଚ୍ଚ କରିବାକୁ ପଡିଥାଏ, ସଭଳି ଦୁଇଦିନ ପାଇଁ ଏହା ୨୦ ହଜାର ଟଙ୍କା ଆଖପାଖରେ ରହିଛି।
ଷ୍ଟାର୍ଟଅପ୍କୁ ଆରମ୍ଭ କରିଥିବା ଓରସି ପାର୍କନୀ କହିଛନ୍ତି, ଆପଣଙ୍କୁ ଗୋଟିଏ ଥରରେ ସବୁ ବିଭିନ୍ନ ସାଂସ୍କୃତିକ ତତ୍ତ୍ବର ଅନୁଭବ ମିଳିଥାଏ। ଏଥିରେ ସ୍ଥାନୀୟ ଲୋକଙ୍କୁ ଭେଟିବା, ସ୍ଥାନୀୟ ବ୍ୟଞ୍ଜନର ସ୍ବାଦ ନେବା, ଭାରତୀୟ ପୋଷାକ ପିନ୍ଧିବା, ସଙ୍ଗୀତ, ମନୋରଞ୍ଜନ, ସ୍ଥାନୀୟ ରୀତି-ନୀତି ବିଷୟରେ ଶିଖିବା, ଏପରିକି ବିବାହ ସ୍ଥଳର ଆଧାରରେ ବାସ୍ତୁକଳା ମଧ୍ୟ ସାମିଲ ରହିଛି।’ ସୋସିଆଲ ମିଡିଆରେ ଏହାକୁ ନେଇ ଖୁବ୍ କମେଣ୍ଟ କରାଯାଉଛି। କିଛି ଲୋକ ଏହାକୁ ସୁନ୍ଦର ବ୍ୟବସାୟ ବୋଲି ବିଚାର କରୁଛନ୍ତି।
