ଉନ୍ନାବ : ୟୁପିର ଉନ୍ନାବରୁ ଏକ ହୃଦୟ ଖବର ସାମନାକୁ ଆସିଛି । ବାରାସଗୱର ଥାନା ଅଞ୍ଚଳର ଲାଲମନଖେଡା ଗାଁରେ ରବିବାର ସନ୍ଧ୍ୟାରେ ଉକ୍ତ ଘଟଣା ଘଟିଛି। ସମୟ ପାଖାପାଖି ୪ଟାରେ ,ଘରେ ଲାଗିଥିବା ଷ୍ଟାଣ୍ଟ ଫ୍ୟାନ୍‌ର କରେଣ୍ଟ ପ୍ରଭାବରେ ଆସି ୪ ଜଣ ପିଲାଙ୍କର ମୃତ୍ୟୁ ହୋଇଛି। କରେଣ୍ଟ ଲାଗିବା ପରେ ଜଣେ ଜଣକୁ ବଞ୍ଚାଇବା ଚକ୍କରରେ କରେଣ୍ଟ ପ୍ରଭାବରେ ପଡ଼ି ଯାଇଥିଲେ। ଏହି ୪ ନାବାଳକ ଓ ନାବାଳିକାଙ୍କ ମୃତ୍ୟୁ ପରେ ପରିବାର ଲୋକେ ଦୁଃଖରେ ଭାଙ୍ଗି ପଡ଼ିଛନ୍ତି। ଘଟଣାର ସୂଚନା ପାଇବା ପରେ ପୁଲିସ୍‌ ତଦନ୍ତ ଆରମ୍ଭ କରି ଦେଇଛି । 

ଲାଲମନଖେଡା ଗାଁରେ ରହୁଥିବା ବିରେନ୍ଦ୍ର କୁମାରଙ୍କ ଘର ଭିତରେ ଏକ ଷ୍ଟାଣ୍ଡ ଫ୍ୟାନ ଲାଗିଥିଲା,ଯେଉଁଥିରୁ ବିଦ୍ୟୁତ କରେଣ୍ଟ ବାହାରୁ ଥିଲା। ସବୁ ପିଲା ଘର ଭିତରେ ଥିଲେ। ମାତା ପିତା କ୍ଷେତକୁ ଯାଇଥିଲେ। ଘରେ ପିଲାଙ୍କ ବ୍ୟତୀତ ଆଉ କେହି ନଥିଲେ। ଏହି ସମୟରେ ପାଖରେ ଖେଳୁ ଥିବା ଜଣେ ପିଲା ଫ୍ୟାନଟିକୁ ଛୁଇଁ ଦେଇଥିଲା ଏବଂ କରେଣ୍ଟ ପ୍ରଭାବରେ ଆସି ଚିତ୍କାର କରିଥିଲା। ତାର ଚିତ୍କାର ଶୁଣି ସେଠାରେ ପାଖରେ ଥିବା ୩ଜଣ ପିଲା ଆସିଥିଲେ। ସେମାନେ ଜଣଙ୍କ ପରେ ଜଣେ କରେଣ୍ଟ ପ୍ରଭାବକୁ ଆସି ଯାଇଥିଲେ। ଏହାପରେ ଘଟଣା ସ୍ଥଳରେ ହିଁ ଏହି ୪ ପିଲାଙ୍କ ଦୁଃଖଦ ମୃତ୍ୟୁ ହୋଇଥିଲା। ପଡୋଶୀଙ୍କ ସୂଚନାରେ କ୍ଷେତରୁ ତୁରନ୍ତ ମାତା ପିଲା ଘରକୁ ଆସି ଥିଲେ। 

ଇଲେକ୍ଟ୍ରି କରେଣ୍ଟରେ ମୃତ୍ୟୁ ହୋଇଥିବା ନାବାଳକ ଓ ନାବାଳିକା ହେଲେ ମୟଙ୍କ (୯) , ହିମାଂଶୀ (ଶ୍ର) , ହିମାଙ୍କ (୬) , ମାନସୀ (୪ )। ୪ ପିଲାଙ୍କ ମୃତ୍ୟୁ ଏକା ସାଥିରେ ଦେଖି ପିଲାଙ୍କ ମାଆଙ୍କ ସହ ପରିବାର ଲୋକେ ଚେତାଶୂନ୍ୟ ହୋଇ ଯାଇଥିଲେ। ସଂପୃକ୍ତ ଅଞ୍ଚଳରେ ଉକ୍ତ ଦୁର୍ଘଟଣାକୁ ନେଇ ଦୁଃଖର ଛାୟା ଖେଳି ଯାଇଛି।