ନୂଆଦିଲ୍ଳୀ,୧।୯:ଗାଜାରେ ଅସ୍ତ୍ରବିରତି ଓ ୬ ଲକ୍ଷରୁ ଅଧିକ ଶିଶୁଙ୍କ ପାଇଁ ପୋଲିଓ ଅଭିଯାନ ମଧ୍ୟରେ ସୁଡଙ୍ଗରୁ ୬ଟି ମୃତଦେହ ଜବତ ହୋଇଛି। ଇସ୍ରାଏଲର କହିବା ଅନୁସାରେ, ଏହି ସବୁ ଶବ ହମାସ ଦ୍ବାରା କରାଯାଇଥିବା ଇସ୍ରାଏଲର ବନ୍ଧକ ଥିଲେ। ଏହା ଭିତରେ ଜ‌ଣେ ଆମେରିକୀୟ ବନ୍ଧକଙ୍କ ମୃତଦେହ ରହିଛି। ଏହି ଘଟଣାରେ ଆମେରିକା ରାଷ୍ଟ୍ରପତି ଜୋ ବାଇଡେନ୍ କହିଛନ୍ତି,  ଗାଜା ପଟିରୁ ୬ ବନ୍ଧକଙ୍କ ମୃତଦେହକୁ ଉଦ୍ଧାର ହେବା କାରଣରୁ ସେ ଖୁବ୍ ଦୁଃଖିତ, କିନ୍ତୁ ଏବେ ଅସ୍ତ୍ରବିରତିର ସମୟ ଆସିଯାଇଛି ଓ ସେ ଏଥିପାଇଁ ୨୪ ଘଣ୍ଟା କାମ କରିବେ। ଏହି ଘଟଣାକ୍ରମକୁ ‘ଦୁଃଖଦ’ ଓ ‘ନିନ୍ଦନୀୟ’ ବୋଲି କହି ବାଇଡେନ୍ ଚେତାବନୀ ମଧ୍ୟ ଦେଇଛନ୍ତି। ସେ  କହିଛନ୍ତି, ହମାସ ନେତାଙ୍କୁ ଏହି ଅପରାଧର ମୂଲ୍ୟ ଦେବାକୁ ପଡିବ।’

ଆମେରିକା ରାଷ୍ଟ୍ରପତି କହିଛନ୍ତି, ଇସ୍ରାଏଲୀ ସେନା ଶନିବାର ରାଫା ସହର ତଳେ ଏକ ସୁଡଙ୍ଗରେ ହମାସ ଦ୍ବାରା ବନ୍ଧକ ଥିବା ୬ ଜଣଙ୍କ ଶବ ଉଦ୍ଧାର କରିଛି। ହ୍ବାଇଟ ହାଉସ୍‌ ଦ୍ବାରା ଜାରି ଏକ ବୟାନରେ ବାଇଡେନ୍ କହିଛନ୍ତି, ଆତଙ୍କବାଦୀଙ୍କ ଦ୍ବାରା ମୃତ ବନ୍ଧକଙ୍କ ମଧ୍ୟରେ ଆମେରିକୀୟ ନାଗରିକ, ହର୍ଷ ଗୋଲ୍ଡବର୍ଗ-ପୋଲିନ ଥିଲେ। ଏବେ ସମୟ ଆସିଯାଇଛି ଏହି ଯୁଦ୍ଧ ଶେଷ ହୋଇଯିବ ଦରକାର।’  

ବାଇଡେନ୍  କହିଛନ୍ତି, ହମାସ ଏକ ଦୁଷ୍ଟ ଆତଙ୍କବାଦୀ ସଂଗଠନ। ଏହି ହତ୍ୟା ସହ ହମାସ ହାତରେ ଆହୁରି ଅଧିକ ଆମେରିକୀୟଙ୍କ ରକ୍ତ ଲାଗିଛି। ମୁଁ ହମାସର କ୍ରୁରତାକୁ କଡା ନିନ୍ଦା କରୁଛି, ପୁରା ଦୁନିଆକୁ ମଧ୍ୟ ଏହାର ନିନ୍ଦା କରିବା ଦରକାର। ହଜାର ହାଜର ଲୋକଙ୍କ ନର ସଂହାରରୁ ନେଇ ଯୌନ ହିଂସା, ବନ୍ଧକ ଓ ହତ୍ୟା ପର୍ଯ୍ୟନ୍ତ ସ୍ଥିତି ଖୁବ୍ ଭୟାବହ।