ଫିଶ୍‌ ଫର୍ଟିଲାଇଜର ବା ମାଛ ଖତ ମାଟିର ଉର୍ବରତାକୁ ବୃଦ୍ଧି କରିବାର କାମ କରିଥାଏ । ଯାହାଦ୍ୱାରା ଉଦ୍ଭିଦକୁ ଜରୁରୀ ପୋଷକତତ୍ତ୍ୱ ମିଳିପାରିଥାଏ । ଯଦି ଏହାର ଉପଯୋଗ ମାଟିରେ କରାଯାଏ ତା’ହେଲେ ଗଛ ସହଜରେ ବଢିପାରିଥାଏ । ଏଥିରେ ପୋଟାସିୟମ, ନାଇଟ୍ରୋଜେନ ଏବଂ ଫସଫରସ୍‌ର ମାତ୍ରା ଅଧିକ ଥାଏ ।

କିପରି ପ୍ରସ୍ତୁତି କରିବେ ?

ମାଛ ଖତ ପ୍ରସ୍ତୁତି କରିବା ପାଇଁ ମାଛ କଣ୍ଟା, ତ୍ୱଚା ଏବଂ ମାଟିର ଆବଶ୍ୟକ ହୋଇଥାଏ । ଏଥିପାଇଁ ଆପଣଙ୍କୁ ବଜାରରୁ ଖତ କରିବା ପାଇଁ ମାଛ କିମ୍ବା ଯେଉଁ ମାଛର ଉପଯୋଗ କରୁନଥିବେ ସେହି ମାଛ ଆଣନ୍ତୁ । ଏହାପରେ ଏହାକୁ ବଗିଚା ମାଟିରେ ପୋତି ଦେବେ । କିଛି ଦିନ ପରେ ମାଛ ସଢି ମାଟିରେ ମିଶିଯାଇଥିବ । ମାଛ ଖତ ଆପଣଙ୍କ ବଗିଚା ଏବଂ କ୍ଷେତ ପାଇଁ ବହୁତ ଲାଭକାରୀ ହୋଇପାରିଥାଏ । 

ମାଛ ଖତର ଲାଭ 

ମାଛ ଖତରେ ଅଧିକ ମାତ୍ରାରେ ଫସଫରସ୍‌ ଥାଏ । ଯାହା ଉଦ୍ଭିଦର ମୂଳକୁ ଶୀଘ୍ର ବୃଦ୍ଧି କରିବାରେ ସାହାଯ୍ୟ କରିଥାଏ । ଏହାର ଉପଯୋଗ କ୍ଷେତ କିମ୍ବା ବଗିଚା ମାଟିରେ ସୁଧାର ଆଣିବା ପାଇଁ ମଧ୍ୟ କରାଯାଇପାରିବ । ମାଟିରେ ଏହାର ବ୍ୟବହାର ଦ୍ୱାରା ଗଛ ଜଲଦି ବୃଦ୍ଧି ପାଇଥାଏ । ଏହାଦ୍ୱାରା ଫୁଲ ଏବଂ ଫଳ ଗଛରୁ ଅଧିକ ଉତ୍ପାଦନ ମିଳିପାରେ । ମାଛ ଖତ ମାଟିରେ ଉପଯୋଗ କରିବା ଦ୍ୱାରା ମାଟିରେ ପାଣି ଜମା ହୋଇନଥାଏ । ମାଛ ଖତରେ କାର୍ବନର ମାତ୍ରା ଅଧିକ ଥାଏ । ଏହା ମାଟିକୁ ଶକ୍ତ କରିଥାଏ । ଏହାଦ୍ୱାରା ମାଟିରେ ଥିବା ବ୍ୟାକ୍ଟେରିଆ ଏବଂ କବକ ଗଛର ମୂଳ ପର୍ଯ୍ୟନ୍ତ ପହଞ୍ଚିପାରିଥାଏ ଏବଂ ଗଛର ମୂଳ ମଜବୁତ ହୋଇଥାଏ।