ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଚେନ୍ନାଇ ସୁପର କିଙ୍ଗ୍‌ସକୁ ପରାଜିତ କରି ମଧ୍ୟ ପଏଣ୍ଟ ଟେବୁଲର ଶୀର୍ଷ ୪ ରେ ନାହିଁ ଲକ୍ଷ୍ନୌ; ସ୍ଥିତି ବଜାୟ ରଖିଛନ୍ତି ରାଜସ୍ଥାନ- କେକେଆର୍‌

Image source: Cricbuzz

ନୂଆଦିଲ୍ଲୀ,୨୦/୦୪: କେ.ଏଲ୍‌ ରାହୁଲଙ୍କ ଅଧିନାୟକତ୍ବରେ ଲକ୍ଷ୍ନୌ ସୁପର ଜିଆଣ୍ଟସ୍‌ ଏପ୍ରିଲ ୧୯ ତାରିଖ ଶୁକ୍ରବାର ଦିନ ଚେନ୍ନାଇ ସୁପର କିଙ୍ଗ୍‌ସକୁ ୮ ଓ୍ବିକେଟରେ ହରାଇ ଚଳିତ ସିଜିନ୍‌ର ଚତୁର୍ଥ ବିଜୟ ହାସଲ କରିଛି। କିନ୍ତୁ ଏହି ବିଜୟ ପଏଣ୍ଟ ଟେବୁଲ ଉପରେ କୌଣସି ପ୍ରଭାବ ପକାଇପାରିନାହିଁ। ସିଏସ୍‌କେକୁ ହରାଇବା ପରେ ବି ଏଲ୍‌ଏସ୍‌ଜି ପଏଣ୍ଟ ଟେବୁଲର ୪ର୍ଥ ସ୍ଥାନ ଭିତରେ ପ୍ରବେଶ କରିପାରିନାହିଁ। ଦଳ ୮ ଅଙ୍କ ସହିତ ପଏଣ୍ଟ ଟେବୁଲର ୫ମ ସ୍ଥାନରେ ରହିଛି। ସେହିପରି ଶୁକ୍ରବାର ମ୍ୟାଚ୍‌ ହାରିବା ପରେ ଋତୁରାଜ ଗାଏକଓ୍ବାଡଙ୍କ ସିଏସ୍‌କେ ୩ୟ ସ୍ଥାନରେ ରହିଛି। ଆଇପିଏଲ୍‌ ୨୦୨୪ର ପଏଣ୍ଟ ଟେବୁଲରେ କୋଲକାତା ନାଇ୍‌ଟ୍‌ ରାଇଡର୍ସ, ଚେନ୍ନାଇ ସୁପର କିଙ୍ଗସ୍‌, ସନ୍‌ରାଇଜର୍ସ ହାଇଦ୍ରାବାଦ ଏବଂ ଲକ୍ଷ୍ନୌ ସୁପର ଜିଆଣ୍ଟସ୍‌ ସବୁ ଦଳ ୮-୮ ଅଙ୍କରେ ବରାବର ରହିଛନ୍ତି। କିନ୍ତୁ ଉତ୍ତମ ରନ୍‌ ରେଟ୍‌ ଅନୁସାରେ ଦଳଗୁଡ଼ିକ ଯଥାକ୍ରମେ ଦ୍ବିତୀୟ, ତୃତୀୟ, ଚତୁର୍ଥ ଓ ପଞ୍ଚମ ସ୍ଥାନରେ ରହିଛନ୍ତି। 

ଆଇପିଏଲ୍‌ ୨୦୨୪ର ପଏଣ୍ଟ ଟେବୁଲର ଶୀର୍ଷରେ ରାଜ୍‌ କରୁଛି ରାଜସ୍ଥାନ ରୟାଲ୍ସ। ଟିମ୍‌ ୧୨ ଅଙ୍କ ହାସଲ କରି ସବୋର୍ଚ୍ଚ ସ୍ଥାନରେ ରହିଛି। ରାଜସ୍ଥାନ ବ୍ୟତିତ ଅନ୍ୟ କୌଣସି ଦଳ ଦୁଇଅଙ୍କ ହାସଲ କରିପାରିନାହାନ୍ତି। ଏହି ଦଳମାନଙ୍କୁ ପ୍ଳେଅଫ୍‌ ପାଇଁ ଉତିର୍ଣ୍ଣ ହେବାକୁ ହେଲେ ଅତି କମ୍‌ରେ ଆଉ ଦୁଇଟି ମ୍ୟାଚ୍‌ ଜିତିବା ଜରୁରୀ ଅଟେ। 

କେମିତି ଥିଲା ଚେନ୍ନାଇ-ଲକ୍ଷ୍ନୌ ମ୍ୟାଚ୍‌?

ଟସ୍‌ ହାରିବା ପରେ ବ୍ୟାଟିଂ କରିବାକୁ ମଇଦାନକୁ ଆସିଥିବା ଚେନ୍ନାଇ ନିର୍ଦ୍ଧାରିତ ଓଭରରେ ଜାଡ଼େଜାଙ୍କ ଅର୍ଦ୍ଧଶତକ ବଳରେ ୧୭୬ ରନ୍‌ କରିପାରିଥିଲା। ଜାଡ଼େଜା ୪୦ ବଲ୍‌ରେ ୫ ଚୌକା ଏବଂ ଗୋଟିଏ ଛକା ବଳରେ ୫୭ ରନ୍‌ର ଅର୍ଦ୍ଧଶତକୀୟ ସ୍କୋର କରିଥିଲେ। ସେହିପରି ସିଏସ୍‌କେକୁ ଶେଷ ଚକତ୍କାର ସ୍ପର୍ଶ ଦେଇଥିଲେ ମହେନ୍ଦ୍ର ସିଂ ଧୋନୀ। ସେ ୯ ବଲ୍‌ରେ ୩୧୧.୧୧ ଷ୍ଟ୍ରାଇକ ରେଟ୍‌ରେ ୩ ଚୌକା ଓ ୨ଟି ଛକା ବଳରେ ୨୮ ରନ୍‌ର ଧୁଆଁଧାର ପାଳି ଖେଳିଥିଲେ। ଆଉ ଲକ୍ଷ୍ନୌ ଆଗରେ ୧୭୬ ରନ୍‌ର ଟାର୍ଗେଟ ରଖିଥିଲେ। 

୧୭୭ ରନ୍‌ର ବିଜୟ ଲକ୍ଷ୍ୟକୁ ମାତ୍ର ୧୯ ଓଭରରେ ହାସଲ କରିନେଇଥିଲା ଲକ୍ଷ୍ନୌ ସୁପର ଜିଆଣ୍ଟସ୍। ଦଳ ପକ୍ଷରୁ କେ.ଏଲ୍‌. ରାହୁଲ ଏକ ଦର୍ଶନୀୟ ଅର୍ଦ୍ଧଶତକୀୟ ପାଳି ଖେଳିଥିବା ବେଳେ   କ୍ବିଣ୍ଟନ୍‌ ଡି କକ୍‌ଙ୍କ ବ୍ୟାଟ୍‌ରୁ ମଧ୍ୟ ବାହାରିଥିଲା ଏକ ଅର୍ଦ୍ଧଶତକ। ଲକ୍ଷ୍ନୌ ମାତ୍ର ଦୁଇଟି ଓ୍ବିକେଟ ହରାଇ ବିଜୟ ଲକ୍ଷ୍ୟକୁ ହାସଲ କରିଥିଲା। ଦଳ ପକ୍ଷରୁ କେ.ଏଲ୍‌ ରାହୁଲ ୫୩ ବଲ୍‌ ଖେଳି ସର୍ବାଧିକ ୩ ଛକା ଓ ୯ ଚୌକା ସହାୟତାରେ ୮୨ ରନ୍‌ କରିଥିବା ବେଳେ କ୍ବିଣ୍ଟନ୍‌ ଡି କକ୍‌ ୪୩ ବଲ୍‌ ଖେଳି ଗୋଟିଏ ଛକା ଓ ୫ଟି ଚୌକା ସହାୟତାରେ ୫୪ ରନ୍‌ ସଂଗ୍ରହ କରିଥିଲେ।

You can also read: ରାହୁଲ ଓ ଡି କକ୍‌ଙ୍କ ଦର୍ଶନୀୟ ଅର୍ଦ୍ଧଶତକ; ୮ ଓ୍ବିକେଟରେ ବିଜୟୀ ଲକ୍ଷ୍ନୌ ସୁପର ଜିଆଣ୍ଟସ୍‌



News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.