ଜେରୁସାଲେମ: ଗାଜାର ଏକ ସ୍କୁଲ ଉପରେ ଏୟାର ଷ୍ଟ୍ରାଇକ୍ କରିଛି ଇସ୍ରାଏଲ । ଏହି ଆକ୍ରମଣରେ ୨୭ ଜଣଙ୍କ ମୃତ୍ୟୁ ହୋଇଛି । ସ୍କୁଲାରେ ଲୁଚି ରହିଥିବା ହମାସ ଆତଙ୍କବାଦୀଙ୍କୁ ଟାର୍ଗେଟ କରାଯାଇଛି ବୋଲି ଇସ୍ରାଏଲ କହିଛି । ସେପଟେ ସ୍ଥାନୀୟ ଗଣମାଧ୍ୟମ ଅନୁସାରେ, ବହୁ ଶରଣାର୍ଥୀ ଏହି ସ୍କୁଲରେ ଆଶ୍ରୟ ନେଇଥିଲେ । ଅନ୍ୟ କେତେକ ରିପୋର୍ଟରୁ ଜଣାପଡ଼ିଛି ଯେ, ହମାସ ଆତଙ୍କବାଦୀ ସ୍କୁଲରେ କ୍ୟାମ୍ପ କରି ଲୁଚି ରହୁଥିଲେ । ଯୁଦ୍ଧ ପାଇଁ ସେଠାରୁ ସାଧାରଣ ନାଗରିକଙ୍କୁ ବିସ୍ଥାପିତ କରାଯାଇ ଯୁଦ୍ଧ କ୍ୟାମ୍ପ କରାଯାଇଥିଲା ।
କେନ୍ଦ୍ରୀୟ ଗାଜାର ନୁସିରାତରେ ଥିବା ମିଳିତ ଜାତିସଂଘର ସ୍କୁଲରେ ହାମାସର ଏକ କମାଣ୍ଡ ପୋଷ୍ଟ ଅଛି। ଏହିଠାରୁ ହମାସ ପ୍ରଥମେ ଯୁଦ୍ଧ ଆରମ୍ଭ କରିଥିଲା। ୭ ଅକ୍ଟୋବର ୨୦୨୩ରେ ଇସ୍ରାଏଲ ଉପରେ କରା ଯାଇଥିବା ଆକ୍ରମଣରେ ହାମାସ ଗାଜାର ଏହି ସ୍କୁଲରେ ଯୁଦ୍ଧବିମାନ ରଖି ଯୁଦ୍ଧ ଆରମ୍ଭ କରିଥିଲା ବୋଲି ଇସ୍ରାଏଲ୍ ଦାବି କରିଛି ।
ଇସ୍ରାଏଲ ସେନା ପକ୍ଷରୁ ଆହୁରି କୁହାଯାଇଛି ଯେ, ଆକ୍ରମଣ ପୂର୍ବରୁ ସେଠାରେ ସାଧାରଣ ନାଗରିକଙ୍କ ମୃତ୍ୟୁ ହ୍ରାସ ପାଇଁ ପଦକ୍ଷେପ ନିଆଯାଇଛି। କିନ୍ତୁ ହମାସ ପକ୍ଷରୁ ଏହାକୁ ଖଣ୍ଡନ କରାଯାଇଛି । ହମାସ ପରିଚାଳିତ ସରକାରୀ ଗଣମାଧ୍ୟମ କାର୍ଯ୍ୟାଳୟର ନିର୍ଦ୍ଦେଶକ ଇସମାଇଲ ଅଲ-ଥବାବା ଇସ୍ରାଏଲର ଏହି ଦାବିକୁ ପ୍ରତ୍ୟାଖ୍ୟାନ କରି କହିଛନ୍ତି, ଇସ୍ରାଏଲ ପକ୍ଷରୁ କରାଯାଉଥିବା ଅମାନୁଷିକ କାର୍ଯ୍ୟାକୁ ଲୁଚାଇବା ପାଇଁ ଏପରି ମିଛ ଦାବି କରାଯାଉଛି। ଗାଜାରେ ନୀରିହ ଲୋକଙ୍କ ଜୀବନ ଯାଉଛି।
