ବଡ଼ବିଲ, ୩୦/୦୧ : ଗ୍ୟାସ୍ କଟରରେ କାଟି ଏଟିଏମ୍‌ରୁ ଲୁଟ୍। କେନ୍ଦୁଝର ଜିଲ୍ଲା ଯୋଡ଼ା ସହର ବନେଇକଳାରେ ଥିବା ବ୍ୟାଙ୍କ୍ ଅଫ୍ ଇଣ୍ଡିଆ ଏଟିଏମ୍‌ରୁ ଲୁଟ୍ ହୋଇଛି। ସୋମବାର ବିଳମ୍ବିତ ରାତିରେ ଦୁବୃର୍ତ୍ତମାନେ ଏଟିଏମ୍‌କୁ ଗ୍ୟାସ କଟରରେ କାଟି ଟଙ୍କା ଲୁଟି ନେଇଥିବା ସନ୍ଦେହ କରାଯାଉଛି। ତେବେ କେତେ ଟଙ୍କା ଲୁଟ ହୋଇଛି ସେନେଇ କିଛି ସ୍ପଷ୍ଟ ହୋଇନାହିଁ । 

ଯୋଡ଼ା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଅଧିକ ତଦନ୍ତ ପାଇଁ ସାଇଣ୍ଟିଫିକ୍ ଟିମ୍‌କୁ ମଧ୍ୟ ଡକାଯାଇଛି । ଆଖପାଖରେ ଲାଗିଥିବା ସିସିଟିଭି ଫୁଟେଜକୁ ଯାଞ୍ଚ୍ କରୁଛି ପୋଲିସ । ଏଟିଏମର ଅପରପାର୍ଶ୍ଵରେ ଏକ ଫିଟନେସ୍ ସେଣ୍ଟରରେ ଲାଗିଥିବା ସିସିଟିଭି ଫୁଟେଜରୁ କିଛି ତଥ୍ୟ ପୋଲିସ୍ ହାତରେ ଲାଗିଛି । ୩ ଜଣ ମୁଖାପିନ୍ଧା ଦୃବୃର୍ତ୍ତ ଏହି କାଣ୍ଡ ଭିଆଇଥିବା ଫୁଟେଜରୁ ଜଣାପଡ଼ୁଛି। ତେବେ ଦୁବୃର୍ତ୍ତଙ୍କ ସମ୍ପର୍କରେ ପତ୍ତା ଲଗାଇବା ପାଇଁ ଚେଷ୍ଟା ଚଳାଇଛି ପୋଲିସ ।