ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

ଦେଶରେ ହିଟ୍‌ଓ୍ବେଭ୍‌ର ପ୍ରଭାବ; ଗୁଳୁଗୁଳିରେ କଲବଲ ‌ଜନଜୀବନ, ପର୍ଯ୍ୟଟନ-ବୃତ୍ତି ବେଉଷା ପ୍ରଭାବିତ ଆଶଙ୍କା

Image source: Jagran

ନୂଆଦିଲ୍ଲୀ,୨୯/୦୪: ସମ୍ପ୍ରତ୍ତି ଦେଶ ଅସହ୍ୟ ଗ୍ରୀଷ୍ମ ପ୍ରବାହ ଦେଇ ଗତି କରୁଛି। ଦେଶର ଅନେକ ରାଜ୍ୟରେ ହିଟ୍‌ ଓ୍ବେଭ୍‌ ମଧ୍ୟ ବିପଦ ସୃଷ୍ଟି କରିବ ବୋଲି ପାଣିପାଗ ବିଭାଗ ଏ ସମ୍ପର୍କରେ ରେଡ୍ ଆଲର୍ଟ ଜାରି କରିଛି। ପାଣିପାଗ ବିଭାଗ ଅନୁଯାୟୀ, ଶିଶୁ ଏବଂ ବୃଦ୍ଧ ଲୋକଙ୍କୁ ଖରାରେ ବାହାରକୁ ଛାଡ଼ନ୍ତୁ ନାହିଁ। ଆସନ୍ତା ପାଞ୍ଚ ଦିନ ମଧ୍ୟରେ ୧୨ ଟି ଜିଲ୍ଲା ପାଇଁ ଆଇଏମ୍‌ଡି ସର୍ବାଧିକ ତାପମାତ୍ରା ସତର୍କ ସୂଚନା ଜାରି କରିଛି। ଆଉ ଏହି ହିଟ୍‌ ଓ୍ବେଭ୍‌ର ପ୍ରଭାବ ଏବେ ବୃତ୍ତି ବେଉଷା ଉପରେ ପଡ଼ୁଥିବା ବେଳେ ଅନେକ ରାଜ୍ୟର ପର୍ଯ୍ୟଟନକୁ ବି ପ୍ରଭାବିତ କରୁଛି। 

ଖରା ଯୋଗୁଁ ପର୍ଯ୍ୟଟକମାନେ କେରଳ ଭଳି ରାଜ୍ୟକୁ ବି ଯିବାକୁ ନାରାଜ। ଏଠାରେ ପର୍ଯ୍ୟଟକଙ୍କ ସଂଖ୍ୟାରେ ୪୦% ହ୍ରାସ ଘଟିଛି। ପାଣିପାଗ ବିଭାଗ ଅନୁଯାୟୀ ଉତ୍ତରପ୍ରଦେଶ, ଦିଲ୍ଲୀ ଏବଂ ରାଜସ୍ଥାନରେ ମଧ୍ୟ ପ୍ରବଳ ଖରାର ପ୍ରଭାବ ଦେଖିବାକୁ ମିଳୁଛି। ଗତକାଲି ସେଠାରେ ୪୪ ଡିଗ୍ରୀ ପର୍ଯ୍ୟନ୍ତ ତାପମାତ୍ରା ରେକର୍ଡ କରାଯାଇଥିଲା, ଯେଉଁ କାରଣରୁ ଲୋକଙ୍କୁ ଅସହ୍ୟ ଖରାର ସମ୍ମୁଖୀନ ହେବାକୁ ପଡୁଛି। ଏଭଳି ପରିସ୍ଥିତିରେ ଅସହ୍ୟ ଗ୍ରୀଷ୍ମ ପ୍ରବାହ ସେଠାକାର ପର୍ଯ୍ୟଟନ ଉପରେ ମଧ୍ୟ ପ୍ରଭାବ ପକାଇପାରେ।

ପାଣିପାଗ ବିଭାଗ ଅନୁଯାୟୀ, ବର୍ତ୍ତମାନ କେରଳର ତାପମାତ୍ରା ୪୦ ଡିଗ୍ରୀରୁ ଅଧିକ, ଯାହା ସାଧାରଣ ତାପମାତ୍ରା ଠାରୁ ୪ ରୁ ୫ ଡିଗ୍ରୀ ଅଧିକ ଅଟେ। ଗୋଟିଏ ଦିନ ପୂର୍ବରୁ ପାଲକ୍କଡରେ ୪୧.୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା, ଯାହା ଗତ ୧୦୦ ବର୍ଷ ମଧ୍ୟରେ ରାଜ୍ୟରେ ଦ୍ୱିତୀୟ ସର୍ବୋଚ୍ଚ ତାପମାତ୍ରା ଅଟେ। ବିଭାଗ ଅନୁଯାୟୀ, ୨୦୧୬ ମସିହାରେ ଏହି ତାପମାତ୍ରା ୪୧.୯ ରେକର୍ଡ କରାଯାଇଥିଲା। ତେବେ ଏପ୍ରିଲ ମାସରୁ ଏପରି ଅସହ୍ୟ ଖରାରେ ଲୋକେ ଜୁଝି ହେଉଥିବା ବେଳେ ମେ' ମାସ ବେଳକୁ ତାପମାତ୍ରା କେତେ ପହଞ୍ଚିବ ତାକୁ ନେଇ ଲୋକଙ୍କ ମଧ୍ୟରେ ଚିନ୍ତା ବଢ଼ିଛି। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.