କଟକ,୧୩/୦୮: ଓଡ଼ିଶା ଶିକ୍ଷକ ଯୋଗ୍ୟତା  ପରୀକ୍ଷା ବା ଓଡ଼ିଶା ଟିଚର୍ସ ଏଲିଜିବିଲିଟି ଟେଷ୍ଟ  (ଓଟିଇଟି)-୨୦୨୪ ଆସନ୍ତା ୧୭ ତାରିଖରେ ହେବ। ଦୁଇଟି ପେପର ବିଶିଷ୍ଟ ପରୀକ୍ଷାର ପ୍ରଥମ  ପେପର ସକାଳ ୯ଟାରୁ ଦିନ ୧୧ଟା ୩୦ ଏବଂ ଦ୍ୱିତୀୟ ପେପର ଅପରାହ୍ଣ ୨ଟାରୁ ୪ଟା ୩୦  ପର୍ଯ୍ୟନ୍ତ ଚାଲିବ ବୋଲି ବୋର୍ଡ ପକ୍ଷରୁ ସମୟ  ନିର୍ଘଣ୍ଟ ଜାରି କରାଯାଇଛି । ପରୀକ୍ଷାର୍ଥୀମାନେ ବୋର୍ଡ  ୱେବ୍‌ସାଇଟ୍‌ରୁ ଆଡ୍‌ମିଟ୍‌ କାର୍ଡ ଡାଉନ୍‌ଲୋଡ୍‌ କରି ପାଇପାରିବେ ବୋଲି ସୂଚନା ଦିଆଯାଇଛି । ପରୀକ୍ଷା  ଲାଗି ରାଜ୍ୟରେ ମୋଟ ୧ ଲକ୍ଷ ୪୧ ହଜାର ୨୭୮  ଜଣ ପରୀକ୍ଷାର୍ଥୀ ଆବେଦନ କରିଛନ୍ତି ।

ପ୍ରଥମ  ପେପର ପରୀକ୍ଷା ଲାଗି ୩୪ ହଜାର ୧୧୬ ଜଣ  ଆବେଦନ କରିଥିବା ବେଳେ ପେପର-୨ ପରୀକ୍ଷା  ପାଇଁ ୧ଲକ୍ଷ ୭ହଜାର ୧୬୨ ଜଣ ଆବେଦନ  କରିଛନ୍ତି । ପରୀକ୍ଷା ଲାଗି ବୋର୍ଡ ପକ୍ଷରୁ ରାଜ୍ୟରେ ୪୩୦ଟି ସେଣ୍ଟର ଚୟନ କରାଯାଇଛି । କପି ଏବଂ  ପ୍ରଶ୍ନପତ୍ର ଭାଇରାଲ୍‌ ରୋକିବା ଲାଗି ଡିଜି ଲକରରେ ପ୍ରଶ୍ନପତ୍ର ସମସ୍ତ ସେଣ୍ଟରକୁ ବୋର୍ଡ କାର୍ଯ୍ୟାଳୟରୁ  ପଠାଯିବ । ୧୫୦ ନମ୍ବର ଲେଖାଏଁ ଦୁଇଟି ପେପର  ପରୀକ୍ଷା ଓଏମ୍‌ଆର୍‌ ସିଟ୍‌ରେ ହେବ ।