ନୂଆଦିଲ୍ଲୀ,୨୬।୨:  ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓ କନଫରେନ୍ସି ଜରିଆରେ ସୋମବାର ସାରା ଦେଶରେ ୨ହଜାର ରେଳ ଭିତ୍ତିଭୂମିର ଉଦଘାଟନ ଓ ଶିଳାନ୍ୟାସ କରିଛନ୍ତି। ଏହା ଅନୁସାରେ, ସାରା ଦେଶରେ ଅମୃତ ଭାରତ ଷ୍ଟେସନ୍  ଅନ୍ତର୍ଗତ ୫୫୦ ରୁ ଅଧିକ ଷ୍ଟେସନ୍‌ର ପୁଃନବିକାଶ କରାଯିବ। ଏଥିରେ ପୂର୍ବ ମଧ୍ୟ ରେଳର ୩୮ ଷ୍ଟେସନ୍‌ରୁ ବିହାରରେ ୨୨, ଝାଡଖଣ୍ଡରେ ୧୪ ଓ ଉତ୍ତର ପ୍ରଦେଶରେ ୩ଟି ଷ୍ଟେସନ୍‌ ରହିଛି। ଏହାଛଡା ସାରାଦେଶରେ ୧୫୮୫ରୁ ଅଧିକ ନବ ନିର୍ମିତ ରୋଡ ଓଭର ବ୍ରିଜ୍ ଓ ଆରୟୁବି/ ଏଲଏଚଏସ୍‌ର ଲୋକାର୍ପଣ ମଧ୍ୟ କରିଛନ୍ତି। ଯେଉଁଥିରେ ପୂର୍ବ ମଧ୍ୟ ରେଳ ଅନ୍ତର୍ଗତ ଆସୁଥିବା ବିଭିନ୍ନ ରେଳ ଷ୍ଟେସନ୍‌ର ବିକାଶ ଯୋଜନା ମଧ୍ୟ ରହିଛି। 

ଏହି ଅବସରରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ଆଜି ରେଲଓ୍ବେ ସମ୍ପର୍କିତ ୨୦୦୦ ରୁ ଅଧିକ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରାଯାଇଛି। ଏହା ସରକାରଙ୍କ ତୃତୀୟ କାର୍ଯ୍ୟକାଳ ଜୁନ୍‌ରୁ ଆରମ୍ଭ ହେବାକୁ ଯାଉଛି, କିନ୍ତୁ ଯେଉଁ ପରିମାଣ ଓ ଗତିରେ କାମ କରିବା ଆରମ୍ଭ କରିଛି ତାହା ସମସ୍ତଙ୍କ ପାଇଁ ଆଶ୍ଚର୍ଯ୍ୟଜନକ ଅଟେ।’ 

ଅଧିକାରୀଙ୍କ ସୂଚନା ଅନୁସାରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ‘ଅମୃତ ଭାରତ ଷ୍ଟେସନ୍‌ ଯୋଜନା’ ଅନୁସାରେ, ପଶ୍ଚିମବଙ୍ଗ, ଝାଡଖଣ୍ଡ ଓ ବିହାରର ପୂର୍ବ ରେଳ କ୍ଷେତ୍ରାଧିକାରରେ ୨୮ ଷ୍ଟେସନ୍‌ର ପୁନଃବିକାଶର ଆଧାରଶିଳା ରଖିଛନ୍ତି। ସେ କହିଛନ୍ତି, ଏହା ସେହି ୫୫୦ରୁ ଅଧିକ ରେଲଓ୍ବେ ଷ୍ଟେସନ୍‌ରେ ରହିଛି, ଯେଉଁଠି ପିଏମ୍‌ ଯୋଜନା ଅନୁସାରେ, ସୁବିଧାରେ ସୁଧାର ପାଇଁ ଆଧାରଶିଳା ରଖାଯାଇଛି। ଉଲ୍ଲେଖନୀୟ ଯେ, ୨୮ ଷ୍ଟେସନ୍‌ରୁ ୧୭ ପଶ୍ଚିମବଙ୍ଗ, ୭ଟି ଝାଡଖଣ୍ଡ ଓ ଚାରୋଟି ବିହାରର ରହିଛି।