ପୁରୀ ୨୮/୩ : ଶ୍ରୀମନ୍ଦିର ଯାଇ ଶ୍ରୀଜିଉଙ୍କୁ ଦର୍ଶନ କଲେ ପ୍ରଣବ ପ୍ରକାଶ ଦାସ। ଗୁରୁବାର ସକାଳୁ ସେ ଶ୍ରୀମନ୍ଦିର କାର୍ଯ୍ୟାଳୟ ସମ୍ମୁଖରେ ଗାଡି ରଖି ଚାଲିଚାଲି ସିଂହ ଦ୍ୱାର ସମ୍ମୁଖରେ ପହଞ୍ଚିଥିଲେ। ଅରୁଣସ୍ତମ୍ଭ ନିକଟରେ ରାଜ୍ୟସଭା ପ୍ରାର୍ଥୀ ସୁବାଶିଷ ଖୁଣ୍ଟିଆ ତାଙ୍କୁ ସ୍ୱାଗତ କରିଥିଲେ। ଏହାପରେ ସେ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ ସହ ଆଶୀର୍ବାଦ ନେଇଥିଲେ। 

ଗତକାଲି  ବିଜେଡି ସୁପ୍ରିମୋ ପ୍ରଥମ ପର୍ଯ୍ୟାୟ ବିଧାନସଭା ଓ ଲୋକସଭା ପ୍ରାର୍ଥୀ ନାମ ଘୋଷଣା କରିଛନ୍ତି। ଏହି କ୍ରମରେ ସମ୍ବଲପୁର ଲୋକସଭା ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସଙ୍କ ନାମ ଘୋଷଣା କରାଯାଇଛି। ଯାହାଫଳରେ ପ୍ରଣବ ପ୍ରକାଶ ଦାସ ଗୁରୁବାର ସକାଳୁ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ ସହ ଆଶୀର୍ବାଦ ନେଇଛନ୍ତି। ଶ୍ରୀମନ୍ଦିରର ବେଢା ପରିକ୍ରମା କରିଛନ୍ତି। ତେବେ ଗଣମାଧ୍ୟମଙ୍କୁ କୌଣସି ମନ୍ତବ୍ୟ ଦେଇନଥିବା ସୂଚନା ମିଳିଛି।