ନୂଆଦିଲ୍ଲୀ,୪।୫:  କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଭଦ୍ରା ଗୁଜରାଟର ବନାସକାଣ୍ଠାର ଏକ ରାଲିରେ ବିଜେପି ଉପରେ ବର୍ଷିଛନ୍ତି। ରାହୁଲ ଗାନ୍ଧୀଙ୍କୁ ଶେହଜାଦା(ରାଜକୁମାର) କହିବା ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି ପ୍ରିୟଙ୍କା। ସେ କହିଛନ୍ତି, ଲୋକେ ମୋ ଭାଈକୁ ଶହଜାଦା କୁହନ୍ତି, କିନ୍ତୁ ମୁଁ ତାଙ୍କୁ କହିବାକୁ ଚାହେଁ, ଏହି ଶେହଜାଦା ୪ ହଜାର କିଲୋମିଟର ଚାଲି ଚାଲି ବୁଲିଛି। କାଶ୍ମୀରଠାରୁ ନେଇ କନ୍ୟାକୁମାର ପର୍ଯ୍ୟନ୍ତ, ଲୋକଙ୍କ ସମସ୍ୟାକୁ ଶୁଣିବାକୁ ଚାଲିଛି। ମୋ ଭାଇକୁ ସବୁଠି ଖବୁ୍ ଭଲ ପାଇବା ମିଳିଛି। 

ପ୍ରିୟଙ୍କା କହିଛନ୍ତି, ଗୋଟିଏ ପଟେ ଗୋଟିଏ ପଟେ, ଆପଣଙ୍କ ଶେହନଶାହା (ରାଜା) ନରେନ୍ଦ୍ର ମୋଦି ଯେଉଁ ମହଲରେ ରୁହନ୍ତି। ଆପଣମାନେ ଟିଭିରେ ତାଙ୍କୁ ଦଖିଛନ୍ତି। କେବେ ସଫାସୁତରା ଦାଗ ନଥିବା କୁର୍ତ୍ତା। ସେ କିଭଳି ଆପଣଙ୍କ ସମସ୍ୟା ବୁଝିପାରିବେ ? ପ୍ରିୟଙ୍କା ପୁଣିଥରେ ସମ୍ବିଧାନର ପ୍ରସଙ୍ଗ ଉଠାଇ କହିଛନ୍ତି, ସମ୍ବିଧାନ ଦ୍ବାରା ଆପଣଙ୍କୁ ଅଧିକାର ମିଳେ। ସବୁଠାରୁ ବଡ ଅଧିକାର ଭୋଟ୍ ଦେବା। ସମ୍ବିଧାନ ସଂରକ୍ଷଣ ସହିତ ନାଗରିକଙ୍କୁ ପ୍ରଶ୍ନ କରିବା ଓ ଆନ୍ଦୋଳନ କରିବାର ଅଧିକାର ରହିଛି। ତେଣୁ ଯେତେବେଳେ ବିଜେପିର ଲୋକ କୁହନ୍ତି, ସମ୍ବିଧାନ ବଦଳାଯିବ। ଏହାର ଅର୍ଥ ସ୍ପଷ୍ଟ ଯେ, ଏହି ଲୋକଙ୍କଠାରୁ ତାଙ୍କର ଅଧିକାର ଛଡାଇବାକୁ ଚାହାନ୍ତି।

ସେ କହିଛନ୍ତି, ଏଭଳି ଏକ ସମୟ ଥିଲା ପ୍ରଧାନମନ୍ତ୍ରୀ ଗାଁକୁ ଯାଉଥିବା ବେଳେ ଲୋକେ ତାଙ୍କର ଅଧିକାର ମାଗୁଥିଲେ। ମୁଁ ନିଜେ ରାଜୀବ ଗାନ୍ଧୀଙ୍କ ସହ ଯାଉଥିଲି। ସେତେବେଳେ ଲୋକେ ତାଙ୍କୁ ସରକାରୀ କାମ ପାଇଁ ଗାଳି ମଧ୍ୟ କରୁଥିଲେ। ସେତେବେଳେ ଏଭୂଳି ରାଜନୀତି ଥିଲା। ଏହି ରାଜନୀତିର ଆଧାର ମହାତ୍ମା ଗାନ୍ଧିଜୀ ସୃଷ୍ଟି କରିଥିଲେ। ସେ ନେତାଙ୍କୁ ଶିଖାଇଥିଲେ କାମ ସବୁଠାରୁ ଉର୍ଦ୍ଧ୍ବରେ ରହିଥାଏ। ଦେଶର ଲୋକଙ୍କ ସହିତ କ୍‌ଥା ହୋଇ ତାଙ୍କର ସମସ୍ୟାକୁ ଜାଣିବାର ନୀତି ତିଆରି ହେଉଥିଲା। ଗୁଜରାଟର ଲୋକଙ୍କୁ ମୋଦିଜୀ ଭୁଲି ଯାଇଛନ୍ତି। ସେ ଗୁଜରାଟ ଲୋକଙ୍କୁ ଏବେ ଚିହୁଁନାହାନ୍ତି। ଯଦି ଗୁଜରାଟର ଲୋକଙ୍କଠାରୁ କଟି ନଥାନ୍ତେ, ତେବେ ଏଠାରୁ କାହିଁକି ନିର୍ବାଚନ ଲଢୁ ନାହାନ୍ତି।  କାରଣ ମୋଦିଜୀ ନିଜର ଲାଭ ଚାହାନ୍ତି।’