ନୂଆଦିଲ୍ଲୀ,୨୧।୫: ୟୁକ୍ରେନ୍ ଓ ଋଷ ଭିତରେ ଜାରି ଯୁଦ୍ଧକୁ ଦୁଇ ବର୍ଷରୁ ଅଧିକ ସମୟ ହୋଇଯାଇଛି। ଫେବୃଆରୀ ୨୦୨୨ ରୁ ଆରମ୍ଭ ହୋଇଥିବା ଏହି ଯୁଦ୍ଧରେ କେବେ ୟୁକ୍ରେନ୍ ତ ଆଉ କେବେ ଋଷ ସେନାର ଶକ୍ତି ଦେଖିବାକୁ ମିଳୁଛି। ଲକ୍ଷାଧିକ ସୈନିକ ପ୍ରାଣ ହରାଇଲେଣି, ହେଲେବି ପରିଣାମ କିଛି ଆସିପାରିନି। ନିକଟରେ ଋଷ ସେନା ୟୁକ୍ରେନ୍ ଉପରେ ଭାରି ପଡିଥିବାର ଦେଖିବାକୁ ମିଳିଥିଲା। ୟୁକ୍ରେନ୍ର ବଡ ସହର ଖାରଖିବ ଜିତିବାକୁ ଚେଷ୍ଟା କରୁଛି। ତେବେ ଖାରକିଭ ଜିତିବା ପାଇଁ ଋଷର ଗତ ୭ ଦିନରେ ୧୫୦୦ରୁ ଅଧିକ ଯବାନଙ୍କ ମୃତ୍ୟୁ ହୋଇସାରିଛି। ଏହା ସହିତ ବହୁ ମିଶାଇଲ ଓ ଟ୍ୟାଙ୍କ ମଧ୍ୟ ହରାଇ ସାରିଛି। ଯୁଦ୍ଧର ଲଗାତାର ପଛୁଆ ଥିବା ୟୁକ୍ରେନ୍ ସେନାକୁ ଏପର୍ଯ୍ୟନ୍ତ ଆମେରିକାର ସାହାଯ୍ୟ ମିଳିପାରିନି। ଏବେ ନିଜ ଦେଶକୁ ବଞ୍ଚାଇବା ପାଇଁ ଜେଲେନସ୍କି ନାଟୋର ଶରଣ ନେଇଛନ୍ତି।
ଗତ କିଛି ଦିନ ହେବ ଗଣମାଧ୍ୟମର ରିପୋର୍ଟ ଥିଲା, ଋଷ ସେନା ୟୁକ୍ରେନ୍ର ଖାରକିଭ୍ ସହରର ବହୁ ଅଞ୍ଚଳ ଉପରେ କବଜା କରିନେଇଛି। ଋଷ ସେନା ଯେତିକି ଆଗୋଉଛି ସେତେ ପଛକୁ ଆସୁଛି। ୟୁକ୍ରେନ୍ ଅସ୍ତ୍ରଶସ୍ତ୍ରର ମୁକାବିଲା କରିବା ଋଷ ପାଇଁ କଷ୍ଟକର ହୋଇପଡିଛି। ୟୁକ୍ରେନକୁ ସାହାଯ୍ୟ ପାଇଁ ଆମେରିକା ଘୋଷଣା କରିସାରିଛି, କିନ୍ତୁ ଏପର୍ଯ୍ୟନ୍ତ ୟୁକ୍ରେନ୍ ପର୍ଯ୍ୟନ୍ତ ହତିଆର ପହଁଞ୍ଚି ପାରିନାହିଁ। ଅସ୍ତ୍ରଶସ୍ତ୍ରର ପ୍ରବଳ ଅଭାବ ଯୋଗୁଁ ୟୁକ୍ରେନ୍ ସେନାର ମନୋବଳ ଭାଙ୍ଗି ଯାଇଛି। ଅନ୍ୟପକ୍ଷେ ପୁଟିନ୍ ସେନା ୟୁକ୍ରେନ୍ ସହର ଉପରେ ଲଗାତର ବୋମାମାଡ କରୁଛି।
ୟୁକ୍ରେନର ରାଷ୍ଟ୍ରପତି ବ୍ଳାଡିମିର ଜେଲେନସ୍କି କିଭ୍କୁ ବଞ୍ଚାଇବା ପାଇଁ ନାଟୋର ଶରଣ ନେଇଛନ୍ତି। ସେ ଅପିଲ କହିଛନ୍ତି, ନାଟୋ ଦେଶ ଋଷ ବିରୋଧରେ ଯୁଦ୍ଧର ଭରଣା କରିବା ପାଇଁ ଅଧିକ ସହାୟତା କରୁ, ଯାହାଫଳରେ ଋଷର ମିଶାଇଲକୁ ନଷ୍ଟ କରିପାରିବେ। ତାକୁ ମନେପକାଇ ୟୁକ୍ରେନ ଏବେ ବି ଋଷ ସେନାର ମୁକାବିଲ କରିବା ପାଇଁ ଆମେରିକା ଏଫ୍-୧୬ ଯୁଦ୍ଧ ବିମାନର ଅପେକ୍ଷାରେ ରହିଛି।
