ପ୍ରମୂଖ ଖବର
  • ଅପେକ୍ଷାର ହେଲା ଅନ୍ତ, ଖୋଲିଲା ଶ୍ରୀମନ୍ଦିର ବାହାର ରତ୍ନଭଣ୍ଡାର, ଭିତର ଭଣ୍ଡାର ଖୋଲିବାକୁ ଚାଲିଛି ପକ୍ରିୟା
  • ||
  • ଶ୍ରୀମନ୍ଦିରକୁ ପ୍ରବେଶ କଲେ ୧୧ ଜଣ ସଦସ୍ୟ, ଦିନ ୧ଟା ୨୮ରେ ଶୁଭ ମୁହୂର୍ତ୍ତରେ ଫିଟିବ ଭିତର ଭଣ୍ଡାର ତାଲା
  • ||
  • ଶ୍ରୀଲୋକନାଥଙ୍କ ସ୍ୱତନ୍ତ୍ର ପୂଜାର୍ଚ୍ଚନା ସମ୍ପନ୍ନ, ରତ୍ନଭଣ୍ଡାର ଖୋଲିବାକୁ ଆସିଲା ଆଜ୍ଞାମାଳ
  • ||
  • ଚତୁର୍ଥ ଟି-ଟ୍ୱେଣ୍ଟ; ଜିମ୍ବାଓ୍ବେକୁ ୧୦ ୱିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ, ଆଜି ପଞ୍ଚମ ମୁକାବିଲା
  • ||
  • ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଗୁଳିମାଡ଼, ସୁରକ୍ଷାକର୍ମୀଙ୍କ ଗୁଳିମାଡ଼ରେ ସନ୍ଦିଗ୍ଧ ସୁଟର ମୃତ
  • ||
  • ପାଞ୍ଚ ଦଶନ୍ଧିର ଘଟିବ ଅନ୍ତ, ଆଜି ଖୋଲିବ ଶ୍ରୀମନ୍ଦିର ରତ୍ନଭଣ୍ଡାର, ଦିନ ୧ଟା ପରେ ଶୁଭ ମୁହୂର୍ତ୍ତରେ ଫିଟିବ ତାଲା
  • ||
  • ରାଜ୍ୟରେ ଆସନ୍ତା ଦୁଇ ଦିନ ପ୍ରବଳ ବର୍ଷା ସମ୍ଭାବନା, ୧୮ରେ ଆଉ ଏକ ଘୂର୍ଣ୍ଣିବଳୟ
  • ||

ପରଦାକୁ ଆସିବ ‘ସନ୍‌ ଅଫ୍‌ ସର୍ଦ୍ଦାର-୨’, ଫିଲ୍ମର ଲିଡ୍‌ ଲେଡି ହେବେ ଏହି ଅଭିନେତ୍ରୀ

ମୁମ୍ବାଇ ୦୩/୦୭: ୨୦୧୨ ମସିହାରେ ମୁକ୍ତିପ୍ରାପ୍ତ ଫିଲ୍ମ ‘ସନ୍‌ ଅଫ୍‌ ସର୍ଦ୍ଦାର’ରେ ମୁଖ୍ୟ ଭୂମିକା ନିର୍ବାହ କରିଥିଲେ ଅଜୟ ଦେବଗନ, ସଞ୍ଜୟ ଦତ୍ତ, ଜୁହି ଚାୱଲା ଓ ସୋନାକ୍ଷୀ ସିହ୍ନା । ଅଶ୍ୱିନ ଧୀରଙ୍କ ନିର୍ଦ୍ଦେଶିତ ଏହି ଆକ୍ସନ୍‌-କମେଡି ଏସ୍‌ଏସ୍‌ ରାଜାମୌଲିଙ୍କ ଫିଲ୍ମ ‘ମର୍ଯ୍ୟାଦା ରମନ୍ନା’ର ରିମେକ୍‌ ଥିଲା । ୟଶ ଚୋପ୍ରାଙ୍କ ଫିଲ୍ମ ‘ଜବ୍‌ ତକ୍‌ ହୈ ଜାନ୍‌’ ସହିତ ଫିଲ୍ମଟି ରିଲିଜ୍‌ ହୋଇ ସୁଦ୍ଧା ବକ୍ସ ଅଫିସ୍‌ରେ ଭଲ ବ୍ୟବସାୟ କରିଥିଲା । ‘ସନ୍‌ ଅଫ୍‌ ସର୍ଦ୍ଦାର’ ଥିଏଟରକୁ ଆସିବାର ୧୪ ବର୍ଷ ବିତିଯାଇଛି । ଏବେ ନିର୍ମାତା ଏହାର ସିକ୍ୱେଲ ଯୋଜନା କରୁଛନ୍ତି । 

ସଦ୍ୟ ରିପୋର୍ଟ ଅନୁସାରେ, ‘ସନ୍‌ ଅଫ୍‌ ସର୍ଦ୍ଦାର-୨’ରେ ଉଭୟ ଅଜୟ ଦେବଗନ ଓ ସଞ୍ଜୟ ଦତ୍ତ ପୁଣି ଥରେ ଆଉ ଏକ ହାସ୍ୟରସାତ୍ମକ କାହାଣୀ ମାଧ୍ୟମରେ ଦର୍ଶକଙ୍କ ମନୋରଞ୍ଜନ କରିବାକୁ ପ୍ରସ୍ତୁତ ହେଉଛନ୍ତି । ମୂଳ ଫିଲ୍ମ ଭଳି ସିକ୍ୱେଲରେ ଦୁହେଁ ପୁଣି ଥରେ ଜସ୍‌ସି ଓ ବିଲ୍ଲୁ ଭୂମିକାରେ ନଜର ଆସିବେ । କିନ୍ତୁ ଫିଲ୍ମର ଲିଡ୍‌ ଲେଡି ସୋନାକ୍ଷୀ ହେବେ ନାହିଁ । ସୁଖ୍‌ମୀତ ଓରଫ ସୁଖ୍‌ ଭୂମିକା ନିର୍ବାହ କରିଥିବା ସୋନାକ୍ଷୀଙ୍କ ସ୍ଥାନରେ ଆଉ ଜଣେ ନାୟିକା ନଜର ଆସିବେ । 

ରିପୋର୍ଟ ଅନୁସାରେ, ‘ସନ୍‌ ଅଫ୍‌ ସର୍ଦ୍ଦାର-୨’ର ଫିମେଲ ଲିଡ୍‌ ହେବେ ମୃଣାଳ ଠାକୁର । ସ୍କଟ୍‌ଲାଣ୍ଡରେ ଫିଲ୍ମର ୫୦ ଦିନିଆ ସୁଟିଂ ସିଡ୍ୟୁଲ୍‌ ରହିଛି । ଅଜୟ ଓ ମୃଣାଳଙ୍କୁ ନେଇ କିଛି ରୋମାଣ୍ଟିକ୍‌ ଗୀତର ସୁଟିଂ ମଧ୍ୟ ଦେଶର ସବୁଠୁ ସୁନ୍ଦର ସ୍ଥାନରେ ହେବ । ତେବେ ନିର୍ମାତାଙ୍କ ପକ୍ଷରୁ ମୃଣାଳଙ୍କ ନାଁ ଔପଚାରିକ ଘୋଷଣା ହୋଇନାହିଁ । ସିକ୍ୱେଲର ନିର୍ଦ୍ଦେଶନା ଦେବେ ବିଜୟ କୁମାର ଅରୋରା । ସଞ୍ଜୟ ଦତ୍ତ ଓ ଅଜୟ ଦେବଗନ ଅଫ୍‌ସ୍କ୍ରିନ୍‌ ଘନିଷ୍ଠ ବନ୍ଧୁ ହୋଇଥିବାବେଳେ ଫିଲ୍ମରେ ଅଜୟଙ୍କ ଶତ୍ରୁ ଭୂମିକାରେ ନଜର ଆସିବେ ସଞ୍ଜୁ । ଭିଲେନ୍‌ ଭାବେ ୨ୟ ଭାଗରେ ସଞ୍ଜୁଙ୍କ ରୋଲ୍‌ ବେଶ ମଜାଦାର ହେବ ବୋଲି ଅଜୟ କହିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.