ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ପ୍ରିୟଙ୍କା ଗାନ୍ଧୀଙ୍କୁ କଂଗ୍ରେସ ପଠାଇପାରେ ରାଜ୍ୟସଭା, ନଡ୍ଡାଙ୍କ ଖାଲି ଆସନରୁ ପାଇପାରନ୍ତି ସୁଯୋଗ

ନୂଆଦିଲ୍ଲୀ,୩୦।୧: ପ୍ରିୟଙ୍କା ଗାନ୍ଧୀଙ୍କୁ ମିଳିପାରେ ରାଜ୍ୟସଭା ସାଂସଦ ପଦ। ଏନେଇ ହିମାଚଳ ପ୍ରଦେଶ କଂଗ୍ରେସ ୟୁନିଟ୍ ମୁଖ୍ୟ ପ୍ରତିଭା ସିଂହ ମଙ୍ଗଳବାର ସୂଚନା ଦେଇଛନ୍ତି। ସେ କହିଛନ୍ତି ଯେ ଭାରତୀୟ ଜନତା ପାର୍ଟି (ବିଜେପି) ର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ୬  ବର୍ଷର କାର୍ଯ୍ୟକାଳ ଶେଷ ହେବା ପରେ ଖାଲି ପଡିଥିବା ରାଜ୍ୟସଭା ଆସନରୁ କଂଗ୍ରେସ ନେତା ସୋନିଆ ଗାନ୍ଧୀ କିମ୍ବା ପ୍ରିୟଙ୍କା ପ୍ରତିଦ୍ୱନ୍ଦ୍ୱିତା କରିବେ।ଆମେ କଂଗ୍ରେସର ବରିଷ୍ଠ ନେତା ସୋନିଆ ଗାନ୍ଧୀ ଏବଂ ପ୍ରିୟଙ୍କା ଗାନ୍ଧୀଙ୍କ ସହ ଆଲୋଚନା କରିବୁ ଏବଂ ଯଦି ସେମାନେ ଆଗ୍ରହୀ ତେବେ ସେମାନଙ୍କୁ ଏହି ଆସନରୁ ଚୟନ କରାଯାଇପାରିବ।

ସୋନିଆ ୨୦୧୯ ସାଧାରଣ ନିର୍ବାଚନରେ ରାୟବରେଲି ଲୋକସଭା ଆସନରୁ ନିର୍ବାଚନ ଲଢିଥିଲେ। ସେଭଳି ପ୍ରିୟଙ୍କା ବର୍ତ୍ତମାନ ଲୋକସଭା କିମ୍ବା ରାଜ୍ୟସଭାର ସାଂସଦ ନାହାନ୍ତି। ପ୍ରତିଭା ସିଂହ ମହାତ୍ମା ଗାନ୍ଧୀଙ୍କ ୭୬ ତମ ପୁଣ୍ୟତିଥିରେ ତାଙ୍କୁ ଶ୍ରଦ୍ଧାଞ୍ଜଳି ଦେବା ଅବସରରେ ଆୟୋଜିତ କାର୍ଯ୍ୟକ୍ରମରେ ଏକ ପ୍ରଶ୍ନର ଉତ୍ତର ଦେଇ ଏହା କହିଛନ୍ତି।

ହିମାଚଳ ପ୍ରଦେଶର ଗୋଟିଏ ଆସନ ସମେତ ୫୬ ଟି ରାଜ୍ୟସଭା ଆସନ ପାଇଁ ନିର୍ବାଚନ ସୂଚୀ ଘୋଷଣା ହେବା ପରେ କଂଗ୍ରେସ ପାର୍ଟି ନିଜର ପ୍ରାର୍ଥୀ ଖୋଜିବା ଆରମ୍ଭ କରିଦେଇଛି। ୬୮ ସଦସ୍ୟ ବିଶିଷ୍ଟ ରାଜ୍ୟସଭାରେ କଂଗ୍ରେସ ୪୦ ଟି ଆସନ ପାଇଛି। ରାଜ୍ୟସଭାର ଏହି ସିଟ୍‌ ୨ ଏପ୍ରିଲରେ ନଡ୍ଡାଙ୍କ ୬ ବର୍ଷର କାର୍ଯ୍ୟକାଳ ଶେଷ ହେବାପରେ ଖାଲି ହେଉଛି।  ଆସନ୍ତା ମାସରେ ରାଜ୍ୟସଭାର ବଜେଟ୍ ଅଧିବେଶନରେ (ଫେବୃଆରୀ ୧୪ ରୁ ୨୯) ରାଜ୍ୟରେ ଏହି ଏକାକୀ ଆସନ ପାଇଁ ଭୋଟ୍ ଅନୁଷ୍ଠିତ ହେବ ଏବଂ କଂଗ୍ରେସ ପ୍ରାର୍ଥୀ ଜିତିବା ନିଶ୍ଚିତ। ବର୍ତ୍ତମାନ ରାଜ୍ୟର ତିନୋଟି ରାଜ୍ୟସଭା ଆସନ ବିଜେପି ପାଖରେ ଅଛି। ନଡ୍ଡାଙ୍କ ବ୍ୟତୀତ ରାଜ୍ୟର ଅନ୍ୟ ଦୁଇଜଣ ରାଜ୍ୟସଭା ସଦସ୍ୟ ହେଉଛନ୍ତି ଇନ୍ଦୁ ଗୋସ୍ୱାମୀ ଏବଂ ସିକନ୍ଦର କୁମାର।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.