ନୂଆଦିଲ୍ଲୀ – ମୁଖ୍ୟମନ୍ତ୍ରୀଙ୍କ ନିବାସରେ ଦୁର୍ବ୍ୟବହାର ମାମଲାକୁ ନେଇ ସ୍ୱାତୀ ମାଲିୱାଲ ଓ ଆମ୍ ଆଦମୀ ପାର୍ଟି (ଆପ୍) ମଧ୍ୟରେ କଳହ ଏବେ ଜୋରସୋରରେ। ଉଭୟ ପକ୍ଷ ପରସ୍ପର ଉପରେ ଅନେକ ଗୁରୁତର ଅଭିଯୋଗ ଲଗାଉଛନ୍ତି। ଏହି ମଧ୍ୟରେ ସ୍ୱାତୀ ମାଲିୱାଲ ଏଏନଆଇକୁ ଦେଇଥିବା ଏକ ଇଣ୍ଟରଭ୍ୟୁରେ ମାରପିଟି ବିଷୟରେ କହି କାନ୍ଦିବାକୁ ଲାଗି ଥିଲେ। ସେ କହିଥିଲେ କି, ମୁଁ କାହାକୁ କ୍ଲିନ୍ ଚିଟ୍ ଦେଇ ପାରିବି ନାହିଁ , କିନ୍ତୁ ଏହି ସମୟରେ ଅରବିନ୍ଦ ଜୀ ଘରେ ଥିଲେ।
ସ୍ୱାତୀ ମାଲିୱାଲ କହିଛନ୍ତି , ମୁଁ ୧୩ ମେ’ ସକାଳ ୯ଟା ପାଖାପାଖି ଅରବିନ୍ଦ କେଜ୍ରିୱାଲ ଜୀଙ୍କୁ ଭେଟିବାକୁ ତାଙ୍କ ବାସ ଭବନକୁ ଯାଇଥିଲି। ମୋତେ ସେଠାରେ ଷ୍ଟାଫ୍ ଡ୍ରାଇଭିଂ ରୁମ୍ରେ ବସାଇଲେ। ମୋତେ କୁହାଗଲା କି ଅରବିନ୍ଦ ଜୀ ଘରେ ଅଛନ୍ତି। ତାଙ୍କୁ ଭେଟିବାକୁ ଆସୁଛନ୍ତି। ଏହା ପରେ ବିଭବ କୁମାର , ଯିଏ ତାଙ୍କର ପିଏସ୍ ଥିଲେ , ସେ ସେଠାକୁ ଖୁବ୍ ଜୋରରେ ଆସି ଠିଆ ହେଲେ। ମୁଁ ତାଙ୍କୁ କହିଲି , ଭାଇ କଣ ହେଲା ? ଅରବିନ୍ଦ ଜୀ ଆସୁଛନ୍ତି , କଣ ହୋଇ ଗଲା ? ଏତିକି ମୁଁ କହିଲି ।
ସ୍ୱାତୀ ମାଲିୱାଲ ଆହୁରି କହିଛନ୍ତି , ସେ ( ବିଭବ କୁମାର) ମୋତେ ଜୋରରେ ୭-୮ଟି ଚାପୁଡ଼ା ମାରିଲେ। ଯେବେ ମୁଁ ତାଙ୍କୁ ଠେଲିବାକୁ ଚେଷ୍ଟା କଲି , ସେତେବେଳେ ସେ ମୋ ପାଦ ଧରିନେଲେ ଏବଂ ମୋତେ ତଳକୁ ଟାଣି ଦେଲେ। ଏହି ସମୟରେ ମୋ ମୁଣ୍ଡ ଏକ ଟେବୁଲରେ ମାଡ଼ ହୋଇଗଲା । ମୁଁ ତଳେ ପଡ଼ିଗଲି ଏବଂ ଏହାପରେ ସେ ମୋତେ ଗୋଇଠା ମାରିବା ଅରମ୍ଭ କଲେ। ମୁଁ ବହୁତ ଜୋରରେ ପାଟି କରି ସାହାଯ୍ୟ ମାଗୁ ଥିଲି। ହେଲେ କେହି ସାହାଯ୍ୟ କରିବାକୁ ଆଗେଇ ଆସି ନ ଥିଲେ।
