ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

‘ରକ୍ତ ପିପାଶୁ ନର ରାକ୍ଷାସ ନେତନ୍ୟାହୁ’, ଇସ୍ରାଏଲ ଓ ଆମେରିକା ଉପରେ ବର୍ଷିଲେ ତୁର୍କୀ ରାଷ୍ଟ୍ରପତି

ନୂଆଦିଲ୍ଲୀ,୨୯।୫: ଇସ୍ରାଏଲ ଓ ହମାସ ଭିତରେ ଗାଜାରେ ସଂଘର୍ଷ ଜାରି ରହିଛି। ଗାଜାର ରାଫା ସହର ଉପରେ ମଧ୍ୟ ଇସ୍ରାଏଲ ଆକ୍ରମଣ ଜାରି ରଖିଛି ଓ ପୁରା ଦୁନିଆର ଏହା ଉପରେ ନଜର ରହିଛି। କେବଳ ସେତିକି ନୁହେଁ ରବିବାର ଇସ୍ରାଏଲ ଗୋଟିଏ ଭୁଲ କାରଣରୁ ପାଲେଷ୍ଟାଇନ୍ ଶରଣାର୍ଥୀଙ୍କ ଟେଣ୍ଟରେ ନିଆଁ ଲାଗି ଯାଇଥିଲା। ଏହି କାରଣରୁ ୪୫ ଜଣଙ୍କର ମୃତ୍ୟୁ ହୋଇଥିଲା। ଏହାକୁ ନେଇ ଏବେ ସାରା ଦୁନିଆରେ ‘ଅଲ୍ ଆଇଜ୍ ଅନ୍ ରାଫା’ କ୍ୟାମ୍ପେନ ଚାଲିଛି। ଏହା ଭିତରେ ଇସଲାମିକ୍ ଦେଶ ତୁର୍କୀ ପାଲେଷ୍ଟାଇନର ପକ୍ଷ ନେଇ ଇସ୍ରାଏଲକୁ କଡା ନିନ୍ଦା କରିଛି। ରାଷ୍ଟ୍ରପତି ରେଚେନ୍ ତେୟପ୍‌ ଅର୍ଦୋଆନ୍ ବୁଧବାର ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁଙ୍କୁ ସିଧାସଳଖ ଟାର୍ଗେଟ କରିଛନ୍ତି।

ସେ ନେତନ୍ୟାହୁଙ୍କୁ ‘ରକ୍ତ ପିପାଶୁ ନର ରାକ୍ଷାସ’ ବୋଲି କହିଛନ୍ତି। ଅର୍ଦେଅନ୍ କହିଛନ୍ତି, ପୁରା ଦୁନିଆ ନେତନ୍ୟାହୁଙ୍କ ବର୍ବରତାକୁ ଦେଖୁଛି। ସେ ଜଣେ ମନରୋଗୀ ଓ ରକ୍ତ ପିପାଶୁ ନର ରାକ୍ଷାସ’। ଆଜିର ଯୁବପୀଢି ଦେଖୁଛି ଯିହୁଦୀଙ୍କ ଅତ୍ୟାଚାର। ମୋତେ ଆଶା ରହିଛି ଏବେ ଯେଉଁ କ୍ରାନ୍ତି ସୃଷ୍ଟି ହେବ, ତାହା ଦ୍ବାରା ଯିହୁଦୀଙ୍କ ଏହି ଅତ୍ୟାଚାର ଅନ୍ତ ହୋଇପାରିବ।  ଟେଣ୍ଟରେ ଯେଉଁଭଳି ନିର୍ଦୋଷୀ ଶରଣାର୍ଥୀଙ୍କୁ ମରାଗଲା, ଏହାକୁ କେହି ବି ଠିକ୍ କହିବେନି। ଅର୍ଦେଆନ୍ ମଧ୍ୟ ଆମେରିକାକୁ ଟାର୍ଗେଟ କରିଛନ୍ତି। ସେ କହିଛନ୍ତି, ଆମେରିକାର ହାତରେ ମଧ୍ୟ ନିରୀହ ଲୋକଙ୍କ ରକ୍ତ ଲାଗିଛି। 

ତୁର୍କୀ ରାଷ୍ଟ୍ରପତି କହିଛନ୍ତି, ଗାଜା ନରସଂହାର ପାଇଁ ଆମେରିକା ମଧ୍ୟ ଇସ୍ରାଏଲ ଭଳି ସମାନ ପରିମାଣରେ ଦାୟୀ। ଗୋଟିଏ ପଟୋ ତୁର୍କୀ ଏଭଳି ଏବେ ଉତ୍ତେଜିତ ହୋଇ ରହିଥିବା ବେଳେ ଇସ୍ରାଏଲ କିନ୍ତୁ ନିଜ ଜିନ୍‌ରେ ଅଟଳ ରହିଛି। ଇସ୍ରାଏଲର କହିବା ଅନୁସାରେ, ଗାଜାରେ ଗତ ୭ ମାସ ହେବ ଯୁଦ୍ଧ ଚାଲିଛି ଓ ଆମେ ଆଗକୁ ମଧ୍ୟ ୭ ମାସ ଯୁଦ୍ଧ କରିବାକୁ ପ୍ରସ୍ତୁତ ଅଛୁ। ଗାଜାର ଏକ ବଡ ଅଂଶ ଉପରେ ନିୟନ୍ତ୍ରଣ କରି ନେଇଛୁ। ଆମେ ହମାସକୁ ନିପାତ କରିବାକୁ ଚାହୁଁ।ଉଲ୍ଲେଖନୀୟ ଯେ, ଏପର୍ଯ୍ୟନ୍ତ ହମାସ ଓ ଇସ୍ରାଏଲ ଭିତରେ ଚାଲିଥିବା ଯୁଦ୍ଧରେ ୩୬ ହଜାର ଲୋକଙ୍କ ଜୀବନ ଯାଇସାରିଛି ଓ ୮୦ ହଜାର ଗୁରୁତର ଆହତ ହୋଇଛନ୍ତି।

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.