ନୂଆଦିଲ୍ଲୀ: ରୁଷ-ୟୁକ୍ରେନ ଯୁଦ୍ଧରେ, ଚଳିତ ମାସରେ ୟୁକ୍ରେନ ଲଗାତାର ଭାବେ ରୁଷ ଉପରେ ନିଜର ଆଧିପତ୍ୟ ବିସ୍ତାର କରିବାରେ ଲାଗିଛି । ୟୁକ୍ରେନ ସେନା ଋଷର କୁସ୍କ ଅଞ୍ଚଳର ଅନ୍ୟ ଏକ ଅଞ୍ଚଳକୁ କାବୁ କରିଥିବା ଦାବି କରି କ୍ରେମଲିନ କ୍ୟାମ୍ପରେ ଆଲୋଡ଼ନ ସୃଷ୍ଟି କରିଛନ୍ତି । ଯଦି ୟୁକ୍ରେନର ଏହି ଦାବି ସତ ହୋଇଥାଏ ତେବେ ଏହା ଋଷର ରାଷ୍ଟ୍ରପତି ପୁଟିନଙ୍କ ପାଇଁ କ୍ରମାଗତ ଦ୍ୱିତୀୟ ବଡ଼ ଝଟକା । ୟୁକ୍ରେନ ସେନାର ଏହି ବିଜୟ ଋଷ ସେନାର ମନୋବଳକୁ ଆହୁରି ଭାଙ୍ଗିବ । କ୍ରମାଗତ ଦୁଇ ସପ୍ତାହ ମଧ୍ୟରେ ଏହି ଦ୍ୱିତୀୟ ପ୍ରମୁଖ କାର୍ଯ୍ୟାନୁଷ୍ଠାନ ସମଗ୍ର ବିଶ୍ୱକୁ ଚକିତ କରିଛି । ଏପରିକି ପୁଟିନ ହୁଏତ ଭାବି ନଥିବେ ଯେ, ଅସ୍ତ୍ରଶସ୍ତ୍ର ଅଭାବରୁ କିଛି ମାସ ପୂର୍ବରୁ ଋଷ ନିକଟରେ ଏକ ପ୍ରକାର ଆତ୍ମସମର୍ପଣ କରିଥିବା ୟୁକ୍ରେନ ଏହି ଉପାୟରେ ଏକ ଦୃଢ ଜବାବ ଦେବ ।  

କିନ୍ତୁ ବର୍ତ୍ତମାନ ୟୁକ୍ରେନ ସେନା କ୍ରମାଗତ ଭାବରେ ଋଷ ଉପରେ ଆକ୍ରମକ ହୋଇପଡୁଛି । ଏହି ସମୟ ମଧ୍ୟରେ, ୟୁକ୍ରେନ ରାଷ୍ଟ୍ରପତି ଭ୍ଲାଦିମିର ଜେଲେନସ୍କି ଦୁଇ ସପ୍ତାହରୁ ଅଧିକ ସମୟ ପୂର୍ବରୁ ରୁଷ ଅଂଚଳରେ ପ୍ରବେଶ କରିଥିବାରୁ ସୀମା ଅଂଚଳକୁ ତାଙ୍କର ପ୍ରଥମ ଗସ୍ତ କରିଥିଲେ । ଏହି ସମୟ ମଧ୍ୟରେ ସେ ଉତ୍ତର-ପୂର୍ବ ୟୁକ୍ରେନ ଅଞ୍ଚଳ ସୁମିକୁ ପରିଦର୍ଶନ କରିଥିଲେ । ୟୁକ୍ରେନ ସୈନ୍ୟ କମାଣ୍ଡରଙ୍କ ସହ ଏକ ସାକ୍ଷାତକାରରେ ଜେଲେନସ୍କି କହିଛନ୍ତି ଯେ, ୟୁକ୍ରେନ ସୈନ୍ୟ ମାନେ ଋଷର କୁର୍ସ୍କ ଅଞ୍ଚଳରେ ଥିବା ଅନ୍ୟ ଏକ ଅଂଚଳ ଉପରେ ନିୟନ୍ତ୍ରଣ କରିବାକୁ ଦାବି କରିଛନ୍ତି ଏବଂ ଅଧିକ ଋଷ ସୈନିକଙ୍କୁ କାବୁ କରିଛନ୍ତି।

ୟୁକ୍ରେନ ସେନା ବହୁ ସଂଖ୍ୟକ ଋଷ ସୈନିକଙ୍କୁ କାବୁ କରିଥିବା ରାଷ୍ଟ୍ରପତି ଜେଲେନସ୍କି ମଧ୍ୟ ଦାବି କରିଛନ୍ତି । ସେ କହିଛନ୍ତି ଯେ ଋଷ ଧରି ନେଇଥିବା ୟୁକ୍ରେନ ସୈନିକ ମାନଙ୍କୁ ମୁକ୍ତ କରିବା ବଦଳରେ ଏହି ବନ୍ଦୀ ମାନଙ୍କୁ ମୁକ୍ତ କରାଯାଇ ପାରିବ ।