ଗୋରଖପୁର : ଉତ୍ତର ପ୍ରଦେଶର ଗୋରଖପୁରରେ ଏକ ଅଭାବନୀୟ ଘଟଣା ଘଟିଛି। ଜଣେ ଶିକ୍ଷୟିତ୍ରୀଙ୍କ ଅଶ୍ଳୀଳ ଭିଡ଼ିଓ ଭାଇରାଲ ହେଉ ଥିବାର ସେ ପିଲାଙ୍କ ଠାରୁ ଶୁଣିବା ପରେ ଆଶ୍ଚର୍ଯ୍ୟ ହୋଇ ଯାଇଛନ୍ତି। ସ୍କୁଲରେ ଯେବେ ସେ ପହଞ୍ଚିଲେ, ପିଲାମାନେ ତାଙ୍କ ପାଖକୁ ଆସି କେହି ତାଙ୍କର ଫଟୋ ଏଡିଟ୍ କରି ଇନଷ୍ଟାଗ୍ରାମ୍ରେ ଖରାପ ଭିଡ଼ିଓ ଭାଇରାଲ କରୁଥିବା କହିଥିଲେ। ଚିନ୍ତିତ ଶିକ୍ଷୟିତ୍ରୀ ପୁଲିସରେ ଯାଇ ଅଭିଯୋଗ ଦାଖଲ କରିଥିଲେ। ପୁଲିସ ବର୍ତ୍ତମାନ ଉକ୍ତ ମାମଲାର ଯାଞ୍ଚ କରୁଛି।
ଶିକ୍ଷୟିତ୍ରୀଙ୍କର ଏହି ଅଶ୍ଳୀଳ ଭିଡ଼ିଓ ଭାଇରାଲ କରୁଥିବା ଲୋକଙ୍କ ପାଖରେ ପହଞ୍ଚିବା ପାଇଁ ପୁଲିସ ସାଇବର ବିଶେଷଜ୍ଞଙ୍କର ମଧ୍ୟ ସାହାଯ୍ୟ ନେଇଛି। ଶିକ୍ଷୟିତ୍ରୀ, ଗୋରଖପୁରର ଯେଉଁ କନଭେଣ୍ଟ ସ୍କୁଲରେ ପଢାଉଛନ୍ତି, ସେଠାରେ ଏ ବିଷୟରେ ଜାଣି ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି।
ଏସଏସପିକୁ ଦେଇଥିବା ଅଭିଯୋଗ ପତ୍ରରେ ପୀଡ଼ିତା ଲେଖି ଥିଲେ, ଗୁରୁବାର ସକାଳେ ସ୍କୁଲରେ ପହଞ୍ଚିବା ପରେ ପିଲାମାନେ କହିଥିଲେ, ତାଙ୍କର ଫଟୋ ଏଡିଟ୍ କରି ବିଦ୍ୟାଳୟର ନାଁରୁ ଇନଷ୍ଟାଗ୍ରାମ୍ରେ ଆଇଡି କରି ଅଶ୍ଳୀଳ ଭିଡ଼ିଓ କରି କେହି ପଠାଉଛି। ଅନେକ ଲୋକଙ୍କୁ ଫଟୋ ଓ ଭିଡ଼ିଓ ଲାଗିଥିବା ଫ୍ରେଣ୍ଡ ରିକ୍ୱେଷ୍ଟ ମଧ୍ୟ ପଠାଇଛି।
ଭିଡ଼ିଓରେ ଆପତ୍ତିଜନକ ଶବ୍ଦର ବ୍ୟବହାର କରାଯାଇଛି। ଶିକ୍ଷୟିତ୍ରୀ ଭିଡ଼ିଓ ଦେଖିବା ପରେ ଖୁବ୍ ଚିନ୍ତାରେ ପଡ଼ି ଯାଇଛନ୍ତି। ସ୍ଥାନୀୟ ଥାନାରୁ କାର୍ଯ୍ୟାନୁଷ୍ଠାନ ନହେବାରୁ ସେ ପରିଜନଙ୍କ ସହ ଏସଏସପଙ୍କ ସହ ଭେଟ ହୋଇ କାର୍ଯ୍ୟାନୁଷ୍ଠାନ ଦାବି କରିଛନ୍ତି। ଏସଏସପିର ନିର୍ଦ୍ଦେଶରେ ଶୁକ୍ରବାର ଶାହପୁର ପୁଲିସ କେସ୍ ରୁଜୁ କରି ଯାଞ୍ଚ ଆରମ୍ଭ କରି ଦେଇଛି।
