ଜଳେଶ୍ଵର, ୦୯/୦୨ : ଅଖା ଭିତରୁ ହାତ ଗୋଡ ବନ୍ଧା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର। ବାଲେଶ୍ଵର ଜିଲ୍ଲା ୬୦ ନଂ ଜାତୀୟ ରାଜପଥ ନୟନ ଯୋଡିରୁ ଜଣେ ଅଜଣା ମହିଳାର ମୃତଦେହ ଉଦ୍ଧାର ହୋଇଛି। ଘଟଣାସ୍ଥଳରେ ପୋଲିସ ପହଞ୍ଚି ଶବ ଜବତ କରି ତଦନ୍ତ ଆରମ୍ଭ କରିଛି। ମହିଳାଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ଜଣାପଡ଼ିଛି।
ସୂଚନାନୁଯାୟୀ, ଜଳେଶ୍ୱର ୬୦ନଂ ଜାତୀୟ ରାଜପଥ ମଧୁବନ ଢ଼ାବା ନିକଟ ନୟନ ଯୋଡିରେ ଏକ ସନ୍ଦିଗ୍ଧ ପ୍ଲାଷ୍ଟିକ ଅଖା ପଡିଥିବା ଦେଖିବାକୁ ମିଳିଥିଲା। ସେଥିରୁ ଦୁର୍ଗନ୍ଧ ବାହାରୁଥିବାରୁ ସ୍ଥାନୀୟ ଲୋକ ଜଳେଶ୍ୱର ଅଗ୍ନିଶମ ବାହିନୀକୁ ଖବର ଦେଇଥିଲେ। ଘଟଣା ସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଅଖାଟିକୁ ପାଣି ଭିତରୁ ଉଦ୍ଧାର କରିଥିଲା। ସେଥିରୁ ହାତଗୋଡ଼ ବନ୍ଧା ଅବସ୍ଥାରେ ଜଣେ ଅଜଣା ମହିଳାଙ୍କ ମୃତଦେହ ମିଳିଥିଲା। ତେବେ ମହିଳାଙ୍କୁ କେହି ହତ୍ୟା କରି ଫିଙ୍ଗି ଦେଇଥିବା ଜଣାପଡ଼ିଛି। ଳେଶ୍ୱର ପୋଲିସ ଏନେଇ ତଦନ୍ତ ଜାରି ରଖିଛି।
Also Read :-
କୂଅରୁ ୯ ମାସ ଛୁଆର ମୃତଦେହ ଉଦ୍ଧାର, ହତ୍ୟା ସନ୍ଦେହ