ଭୁବନେଶ୍ବର, ୧୪/୬ : ମୁଣ୍ଡଳୀ ବ୍ରିଜରୁ ଡେଇଁ ଯୁବକଙ୍କ ଆତ୍ମହତ୍ୟା ଉଦ୍ୟମ । ସ୍ଥାନୀୟ ବାରଙ୍ଗ ଥାନା ଅନ୍ତର୍ଗତ ମୁଣ୍ଡଳୀ ବ୍ରିଜ ଉପରୁ ଜଣେ ଯୁବକ ଆଜି ଦିନ ବେଳେ ହଠାତ୍ ଡେଇଁ ପଡ଼ିଥିଲେ । ଯୁବକ ଜଣଙ୍କ କେନ୍ଦ୍ରାପଡ଼ା ଜିଲ୍ଲା ରାଜନଗର ଥାନା ଅନ୍ତର୍ଗତ ପ୍ରମୋଦ ପାତ୍ର ବୋଲି ଜଣାପଡ଼ିଛି ।
ସୂଚନା ଅନୁଯାୟୀ, ପ୍ରମୋଦ ଆଜି ଦିନ ବେଳେ ହଠାତ୍ ବ୍ରିଜ ଉପରୁ ତଳକ ଡେଇଁ ପଡ଼ିଥିଲେ । ପାଣିରେ ପଡ଼ି ସେ ଛଟପଟ ହେବାକୁ ଲାଗିଥିଲେ । ଏହ ଦେଖି ସେଠାରେ ଥିବା ତିନି ଜଣ ମତ୍ସ୍ୟଜୀବୀ ଧାଇଁ ଯାଇ ତାଙ୍କୁ ଉଦ୍ଧାର କରି କୂଳକୁ ଆଣିବା ସହ ପୋଲିସକୁ ଖବର ଦେଇଥିଲେ ।
ସ୍ଥାନୀୟ ପୋଲିସ ଖବରପାଇ ସେମାନଙ୍କୁ କଟକ ମେଡିକାଲ ପଠାଇଥିବାବେଳେ ଯୁବକଙ୍କ ଜୀବନ ଏବେ ବିପଦମୁକ୍ତ ଅଛି। ପ୍ରମୋଦଙ୍କୁ ମୃତ୍ୟୁ ମୁଖରୁ ବଞ୍ଚାଇଥିବା ତିନି ମତ୍ସ୍ୟଜୀବୀଙ୍କୁ ପୋଲିସ୍ ପକ୍ଷରୁ ସମ୍ବର୍ଦ୍ଧିତ କରାଯିବ ବୋଲି ସୂଚନା ମିଳିଛି ।
