ନୂଆଦିଲ୍ଲୀ,୪।୪: ଭାରତୀୟ ବାୟୁସେନାର ଆପାଚେ ହେଲିକପ୍ଟର ବୁଧବାର ଲଦାଖରେ କରିଛି ଜରୁରୀ ଲ୍ୟାଣ୍ଡିଂ। ଏହି ସମୟରେ ହେଲିକପ୍ଟର ମଧ୍ୟ କ୍ଷତିଗ୍ରସ୍ତ ହୋଇଛି। ତେବେ ଏଥିରେ ଥିବା ଦୁଇ ପାଇଲଟ୍ ସୁରକ୍ଷିତ ଅଛନ୍ତି। ବାୟୁସେନା ପକ୍ଷରୁ ଗୁରୁବାର ଏନେଇ ସୂଚନା ଦେଇଛି। ବାୟୁସେନା ଘଟଣାକୁ ନେଇ କୋର୍ଟ ଅଫ୍ ଇନକ୍ବାରୀ ପାଇଁ ନିର୍ଦେଶ ଦେଇଛି।
ଆଇଏଏଫ୍ ଏକ ସଂକ୍ଷିପ୍ତ ବୟାନରେ କହିଛି, ଆଇଏଏଫ୍ର ଆପାଚେ ହେଲିକପ୍ଟର ୩ ଅପ୍ରେଲରେ ଲଦାଖରେ ଏକ ପରିଚାଳନା ପ୍ରଶିକ୍ଷଣ ଉଡାଣ ବେଳେ ଜରୁରୀ ଲ୍ୟାଣ୍ଡିଂ କରିଛି। ଏହି ଲ୍ୟାଣ୍ଡିଂ ପକ୍ରିୟା ବେଳେ ହେଲିକପ୍ଟର କ୍ଷତିଗ୍ରସ୍ତ ହୋଇଛି। ଏଥିରେ କୁହାଯାଇଛି, ବିମାନରେ ଥିବା ଦୁଇଜଣ ପାଇଲଟ ସୁରକ୍ଷିତ ଅଛନ୍ତି ଓ ତାଙ୍କୁ ନିକଟତମ ଏୟାରବେସ୍କୁ ନିଆଯାଇଥିଲା। ଏହାର କାରଣ ଜାଣିବା ପାଇଁ କୋର୍ଟ ଅଫ୍ ଇନକ୍ବାରୀ ନିର୍ଦ୍ଦେଶ ଦିଆଯାଇଛି।