ମାଲକାନଗିରି, ୨୪।୩: ମାଲକାନଗିରିର ଛତିଶଗଡ଼ ସୀମାନ୍ତ ବିଜାପୁର ଜିଲ୍ଲାର ପିଡ଼ିଆ ଜଙ୍ଗଲରେ ସୁରକ୍ଷା କର୍ମୀ ଓ ନକ୍ସଲ ପନ୍ଥୀଙ୍କ ମଧ୍ୟରେ ଗତକାଲି ଏନକାଉଣ୍ଟର ହୋଇଥିବା ବେଳେ ଯବାନଙ୍କ ଗୁଳିରେ ୨ ଜଣ ନକ୍ସଲ ପ୍ରାଣ ହରାଇଛନ୍ତି । ଘଟଣାସ୍ଥଳରୁ ବିପୁଳ ପରିମାଣର ବିସ୍ପୋରକ ସାମଗ୍ରୀ ଜବତ ହୋଇଛି । ବିଜାପୁର ଏବଂ ଦାନ୍ତେୱାଡ଼ା ସୀମାବର୍ତ୍ତୀ ଅଞ୍ଚଳରେ ନକ୍ସଲମାନଙ୍କ ବିରୋଧରେ ଏକ ବଡ଼ ଧରଣର ଅପରେସନ ଆରମ୍ଭ ହୋଇଛି । ବିଜାପୁର, ଦନ୍ତେୱାଡ଼ା ଏବଂ ସୁକମାର ଏସପି ଏହି ନକ୍ସଲ ବିରୋଧୀ ଅପରେସନ ଉପରେ ନଜର ରଖିଛନ୍ତି । ଏହି ଅପରେସନରେ ଡିଆରଜି, ବସ୍ତର ଫାଇଟର୍ସ ଏବଂ କୋବ୍ରା ବାହିନୀର ଯବାନ ସାମିଲ ହୋଇଛନ୍ତି ।
ଅନ୍ୟପଟେ ବସ୍ତର ଫାଇଟର୍ସ ୨ ଜଣ ଯବାନ ନକ୍ସଲ ବିରୋଧୀ ଅପରେସନରେ ଯାଉଥିବା ବେଳେ ଆଇଇଡି ବିସ୍ଫୋରଣରେ ଆହତ ହୋଇଛନ୍ତି । ପ୍ରାଥମିକ ଚିକିତ୍ସା ପରେ ଆହତ ଯବାନଙ୍କୁ ଉନ୍ନତ ଚିକିତ୍ସା ପାଇଁ ହେଲିକପ୍ଟର ଯୋଗେ ରାୟପୁର ସ୍ଥାନାନ୍ତର କରାଯାଇଛି । ଛତିଶଗଡ଼ରେ ନିର୍ବାଚନ ପୁର୍ବରୁ ନକ୍ସଲ ପନ୍ଥୀଙ୍କୁ ଦମନ କରିବା ଲାଗି ଯବାନଙ୍କ ପକ୍ଷରୁ ଜୋରଦାର ଅପରେସନ ଆରମ୍ଭ ହୋଇଛି ।