ସମ୍ବଲପୁର, ୨୦/୦୮ : ବାଂଲାଦେଶୀଙ୍କୁ ଜଗିବା ପାଇଁ ସମ୍ବଲପୁରରେ ଖୋଲଲା ରାଜ୍ୟର ପ୍ରଥମ କଣ୍ଟ୍ରୋଲ ରୁମ୍। ୨୪ ଘଣ୍ଟିଆ କଣ୍ଟ୍ରୋଲ ରୁମ୍ ଆରମ୍ଭ ହୋଇଛି। ଏହାର ଦାୟିତ୍ଵରେ ୩ ଜଣ ଇନ୍ସପେକ୍ଟରଙ୍କୁ ନିୟୋଜିତ କରାଯାଇଛି। ସିଫ୍ଟ ଅନୁସାରେ ୩ ଜଣ ଡ୍ୟୁଟି କରିବେ। କୌଣସି ଲୋକ ସନ୍ଦେହ ଘେରକୁ ଆସିବା ପରେ ପୋଲିସ ଜାରି କରିଥିବା ହ୍ଵାଟସଆପ୍ ନମ୍ବରରେ ଯୋଗାଯୋଗ କରିବାକୁ ଜିଲ୍ଲାବାସୀଙ୍କୁ କୁହାଯାଇଛି। ଖବର ମିଳିବା ମାତ୍ରେ ପୋଲିସର ତୁରନ୍ତ ଗୋଟିଏ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବ। ବାଂଲାଦେଶୀଙ୍କୁ ଜଗିବାକୁ ସମ୍ବଲପୁର ପୋଲିସ ଏଭଳି ପଦକ୍ଷେପ ଗ୍ରହଣ କରିଛି। 

ସମ୍ବଲପୁର ଏସ୍ପି ମୁକେଶ ଭାମୂଙ୍କ ନିର୍ଦ୍ଦେଶ ଅନୁସାରେ, ଜିଲ୍ଲାରେ ବାଂଲାଦେଶୀଙ୍କୁ ଜଗିବାକୁ ସ୍ବତନ୍ତ୍ର ରଣନୀତି ଗ୍ରହଣ କରାଯାଇଛି। ସମସ୍ତଙ୍କୁ ନଜରରେ ରଖିବାକୁ ୨୪ ଘଣ୍ଟିଆ କଣ୍ଟ୍ରୋଲ ରୁମ୍ ଖୋଲାଯାଇଛି। ଏହି କଣ୍ଟ୍ରୋଲ ରୁମ୍‌କୁ ସୂଚନା ଆସିବା ମାତ୍ରେ ସେହି ଅଞ୍ଚଳର ଏସ୍ଡିପିଓଙ୍କୁ ତୁରନ୍ତ ସୂଚନା ଦେବେ। ସେମାନେ ଘଟଣସ୍ଥଳକୁ ଯାଇ ତଦନ୍ତ କରିବେ। ଅଭିଯୋଗ ହୋଇଥିବା ବ୍ୟକ୍ତି ପ୍ରକୃତରେ ବାଂଲାଦେଶୀ କି ନୁହେଁ, ତାହା ଯାଞ୍ଚ କରାଯିବ। ପୂର୍ବରୁ ‘ମୋ ସରକାର’ରେ କାର୍ଯ୍ୟ କରୁଥିବା ସମସ୍ତ ଅଧିକାରୀ ଏହି ଯାଞ୍ଚ ପ୍ରକ୍ରିୟାକୁ ସହଯୋଗ କରିବେ। ପ୍ରକୃତରେ ଏମାନେ ବାଂଲାଦେଶୀ ପ୍ରବାସୀ ଶ୍ରମିକ କି ନୁହେଁ, ତାର ଖୋଳତାଡ ହେବ। ଜଣେ ଏଏସ୍ପିଙ୍କ ତତ୍ତ୍ଵାବଧାନରେ ଏହି ଟିମ୍ କାମ କରିବ।