ଡେରାଡୁନ୍, ୧୭/୧୧: ଶୁକ୍ରବାର ସକାଳେ ଉତ୍ତରାଖଣ୍ଡରେ ମର୍ମନ୍ତୁଦ ଦୁର୍ଘଟଣା ଘଟିଛି । ଜାତୀୟ ରାଜପଥରେ ବାଇକ୍ ଆରୋହୀଙ୍କୁ ବଞ୍ଚାଇବାକୁ ଯାଇ ନିୟନ୍ତ୍ରଣ ହରାଇ ୫୦୦ ମିଟର ଖାଇକୁ ଖସି ପଡ଼ିଛି କାର୍ । ଏଥିରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ନୈନିତାଲ୍ ଜିଲ୍ଲାର ଛିଡ଼ଖାନ-ରିଠାସାହେବ ରାସ୍ତାରେ ଏହି ଦୁର୍ଘଟଣା ଘଟିଛି । ସକାଳ ପ୍ରାୟ ୮ଟା ସମୟରେ ଡାଲକନ୍ୟାର ସରପଞ୍ଚ ରାଜୁ ପାନେରୁର ସରପଞ୍ଚ ଓ ଅନ୍ୟମାନେ କ୍ୟାମ୍ପର ଅଧୌଡ଼ା ଆଡ଼କୁ ଯାଉଥିଲେ । ସେହି ସମୟରେ ଏକ ବାଇକ୍ ହଠାତ୍ କାର୍ ସାମ୍ନାକୁ ଚାଲି ଆସିଥିଲା ।
ଜମ୍ମୁ-କାଶ୍ମୀର କୁଲଗାମରେ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ, ୩ ଲସ୍କର ଆତଙ୍କୀ ନିହତ
ବାଇକ୍ ଆରୋହୀଙ୍କୁ ବଞ୍ଚାଇବାକୁ ଯାଇ କାର୍ ଉପରୁ ନିୟନ୍ତ୍ରଣ ହରାଇଥିଲେ ଡ୍ରାଇଭର । ଫଳରେ ୧୧ ଯାତ୍ରୀଙ୍କୁ ନେଇ ଯାଉଥିବା କାରଟି ୫୦୦ ମିଟର ଖାଇକୁ ଖସି ପଡ଼ିଥିଲା । ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୪ ଜଣ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି ।
ଦୁର୍ଘଟଣାଗ୍ରସ୍ତ ଟ୍ୟାକ୍ସିରେ ଥିବା ୨ ମହିଳା, ଗୋଟିଏ ଛୁଆ ଓ ୪ ପୁରୁଷଙ୍କ ମୃତ୍ୟୁ ଘଟଣାସ୍ଥଳରେ ହୋଇଛି । ଖାଇକୁ କାର୍ ଖସିବା ଶବ୍ଦ ଶୁଣି ସଙ୍ଗେ ସଙ୍ଗେ ଗ୍ରାମବାସୀ ଦୌଡ଼ି ଆସିଥିଲେ । ସମସ୍ତ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ ଗ୍ରାମବାସୀ ।
