ଅଯୋଧ୍ୟା ୦୩/୦୩: ୯୦ ବର୍ଷ ବୟସରେ ଲୋକେ ବିଛଣାରୁ ଉଠି ପାରୁନାହାନ୍ତି । ଏହି ବୟସରେ ମଞ୍ଚରେ ନୃତ୍ୟ ପ୍ରଦର୍ଶନ କରିଛନ୍ତି ବଲିଉଡ୍ର କିମ୍ବଦନ୍ତୀ ତାରକା ବୈଜୟନ୍ତୀମାଲା । ଅଯୋଧ୍ୟାରେ ଭାରତନାଟ୍ୟମ୍ ପ୍ରଦର୍ଶନ କରି ସେ ସମସ୍ତଙ୍କୁ ଚକିତ କରିଛନ୍ତି । ତାଙ୍କ ନୃତ୍ୟ ପ୍ରଦର୍ଶନର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଶ୍ରୀରାମଙ୍କ ରାଗ ସେବା ଗତ ଜାନୁଆରୀ ୨୭ ତାରିଖରୁ ଆରମ୍ଭ ହୋଇଛି, ଯାହା ୪୫ ଦିନ ପର୍ଯ୍ୟନ୍ତ ଚାଲିବ । ଏଥିରେ ବଲିଉଡ୍ ତାରକାଙ୍କ ସମେତ ଅନେକ ରଙ୍ଗମଞ୍ଚ କଳାକାର ରାଗ ସେବା ପ୍ରସ୍ତୁତ କରୁଛନ୍ତି ।
90 वर्ष की आयु में विख्यात कलाकार वैजयंती माला जी की अयोध्या में रामलला के सम्मुख राग सेवा प्रस्तुति pic.twitter.com/DGKIReE35k
— Varun SR Goyal (@varun_journo) February 29, 2024
ସମସ୍ତଙ୍କ ମଧ୍ୟରେ ବୈଜୟନ୍ତୀମାଲା ସବୁଠୁ ବୟସ୍କ । ତାଙ୍କ ନୃତ୍ୟ ଦେଖି ‘ବୟସ କେବଳ ସଂଖ୍ୟା’ ବୋଲି ୟୁଜର୍ ଉଲ୍ଲେଖ କରିଛନ୍ତି । ନୃତ୍ୟ ଲାଗି ୭୫ତମ ଗଣତନ୍ତ୍ର ଦିବସ ପୂର୍ବରୁ ବୈଜୟନ୍ତୀମାଲାଙ୍କୁ ପଦ୍ମ ବିଭୂଷଣ ଦ୍ୱାରା ସମ୍ମାନିତ କରାଯାଇଥିଲା । ମାତ୍ର ୧୬ ବର୍ଷ ବୟସରେ ତାମିଲ ଫିଲ୍ମ ଇଣ୍ଡଷ୍ଟ୍ରିରେ ବୈଜୟନ୍ତୀମାଲା ଅଭିନୟ କ୍ୟାରିଅର ଆରମ୍ଭ କରିଥିଲେ । ପରେ ବଲିଉଡ୍ରେ ମଧ୍ୟ ପରିଚିତି ପାଇଲେ । ‘ଗଙ୍ଗା ଯମୁନା’, ‘ସଙ୍ଗମ’, ‘ଅମରପାଲୀ’ ଓ ଆହୁରି ଅନେକ ଫିଲ୍ମ ପାଇଁ ସେ ଖୁବ୍ ପ୍ରଶଂସିତ ହୋଇଥିଲେ ।
