ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ ମୋଦୀ ସରକାରଙ୍କ ଦ୍ବିତୀୟ କାର୍ଯ୍ୟକାଳର ଅନ୍ତିମ ବଜେଟ ଉପସ୍ଥାପନ କରିଛନ୍ତି । ହେଲେ ସରକାରଙ୍କର ଏହା ପୂର୍ଣ୍ଣାଙ୍ଗ ବଜେଟ୍ ନୁହେଁ । ତେବେ ଏହି ଅନ୍ତରୀଣ ବଜେଟକୁ ନେଇ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି । ବିଶିଷ୍ଟ ଉଦ୍ୟୋଗପତି ଆନନ୍ଦ ମହିନ୍ଦ୍ରା ବଜେଟ୍କୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି । ମହିନ୍ଦ୍ରା ଗ୍ରୁପର ଅଧ୍ୟକ୍ଷ ଆନନ୍ଦ ମହିନ୍ଦ୍ରା ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି ଯେ, ବଜେଟ ଦେଶର ସବୁ ପରିବାର ପାଇଁ ହେବା ଦରକାର । ନୀତିଗତ ଘୋଷଣା କରିବାକୁ ଯାଇଁ ଅଧିକ ଡ୍ରାମା କରିବାର ଆବଶ୍ୟକତା ନାହିଁ । ବିବେକପୂର୍ଣ୍ଣ ଏବଂ ରାଜକୋଷର ହିତକୁ ଦେଖି ଯୋଜନା କରିବାର ଭଲ ଅବସର ହେଉଛି ବଜେଟ୍ ।
For many years, I have been saying that we create too much drama around the budget and raise expectations of policy announcements to an unrealistically feverish pitch.
— anand mahindra (@anandmahindra) February 1, 2024
The Budget is NOT necessarily the occasion for transformational policy announcements. Those can, and should,… pic.twitter.com/hfqxnw4IUa
ଏହା ସହ ସେ ଅନ୍ତରୀଣ ବଜେଟରେ ଖୁସି ଥିବା କଥା କହିଛନ୍ତି । ପ୍ରଥମତଃ ଏହା ଛୋଟ ଭାଷଣ ମଧ୍ୟରୁ ଗୋଟିଏ । ସଂକ୍ଷିପ୍ତ ଭାଷଣ ସ୍ବାଗତଯୋଗ୍ୟ ହୋଇଥିବା ବେଳେ ଏହା ଆତ୍ମବିଶ୍ବାସ ସଂଚାର କରିବାରେ ଉପଯୋଗୀ ହୋଇଥାଏ । ସେପଟେ ଅନ୍ତରୀଣ ବଜେଟ୍ରେ ନିର୍ବାଚନ ପୂର୍ବରୁ ଯେମିତି ବଡ଼ ବଡ଼ ଘୋଷଣା କରାଯାଏ ସେଭଳି କିଛି ଘୋଷଣା କରାଯାଇନି । ତେଣୁ ବଜେଟ ସ୍ବାଗତଯୋଗ୍ୟ ହୋଇଥିବା ବେଳେ ଆଗକୁ ଏହି ପରମ୍ପରା ଜାରି ରହିବ ବୋଲି ସେ ଉଲ୍ଲେଖ କରିଛନ୍ତି । ସେପଟେ ସମୃଦ୍ଧ ଭାରତ ଆଡ଼କୁ ଥିବା ସେତୁ ଅତିକ୍ରମ କରିବା ଲାଗି ପୁଣି ଥରେ କାର୍ଯ୍ୟକୁ ପ୍ରତ୍ୟାବର୍ତ୍ତନ କରିବା ସହ ଯୋଜନାଗୁଡ଼ିକର କୁଶଳତାପୂର୍ବକ କ୍ରିୟାନ୍ବୟନ କରିବା ଉପରେ ଧ୍ୟାନକେନ୍ଦ୍ରିତ କରିପାରିବା ବୋଲି ଏକ୍ସରେ ଲେଖିଛନ୍ତି ଆନନ୍ଦ ମହିନ୍ଦ୍ରା ।
#Budget2024 is a Fighter that tames the Animal of recession; is a Gadar against poverty and friendly for India’s Jawaan ensuring that no one is left 12th Fail. With measures on inclusion, education and employment for youth and welfare of the masses, Bahadur work by our Salaar FM…
— Harsh Goenka (@hvgoenka) February 1, 2024
ଅନ୍ୟ ଜଣେ ଉଦ୍ୟୋଗପତି ଏବଂ ଆରପିଜି ଏଣ୍ଟରପ୍ରାଇଜେସ୍ର ଅଧ୍ୟକ୍ଷ ହର୍ଷ ଗୋୟଙ୍କା ବଜେଟକୁ ପ୍ରଶଂସା କରିଛନ୍ତି । ଫିଲ୍ମ ଷ୍ଟାଇଲ୍ରେ ବଜେଟ୍ ୨୦୨୪କୁ ବର୍ଣ୍ଣନା କରିଛନ୍ତି ହର୍ଷ । ସେ ଲେଖିଛନ୍ତି, ‘ବଜେଟ୍ ୨୦୨୪ ଗୋଟିଏ ଫାଇଟର ଭଳି ମାନ୍ଦାବସ୍ଥା ରୂପି ପଶୁକୁ କାବୁ କରିଛି । ଗରିବୀ ବିରୋଧରେ ଗଦର ଏବଂ ଦେଶର ଯବାନମାନଙ୍କ ପାଇଁ ଅନୁକୂଳ । ଏହି ବଜେଟ୍ ସୁନିଶ୍ଚିତ କରୁଛି ଯେ, ଆଉ କେହି ଦ୍ବାଦଶ ଫେଲ୍ ରହିବେ ନାହିଁ । ସାଲାର ଅର୍ଥ ମନ୍ତ୍ରୀଙ୍କ ଦ୍ବାରା ଏହା ହେଉଛି ବାହାଦୂର ବଜେଟ୍ ।’
