ପ୍ରମୁଖ ଖବର
  • ଆଉ ୫ଟି ଲୋକସଭା ଆସନ ଲାଗି ଆପ୍‌ର ପ୍ରାର୍ଥୀ ଘୋଷଣା
  • ||
  • ବଲାଙ୍ଗିର ଭୀମଭୋଇ ମେଡିକାଲରେ ମୃତ ଶବ ଛାଡି ଫେରାର ସମ୍ପର୍କୀୟ,ଟାଉନ ଥାନା ପୋଲିସର ତଦନ୍ତ ଆଇମ୍ଭ
  • ||
  • ମିଶନ ଶକ୍ତି ମହିଳାଙ୍କ ଆକାଉଣ୍ଟକୁ ଗଲା ଟଙ୍କା,୭୩୦ କୋଟିର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ସୁନ୍ଦରଗଡ଼: ବାଇକ ଚାଳକ ଙ୍କ ଉପରେ ଚଢ଼ିଗଲା ପାଉଁଶ ବୋଝେଇ ଟ୍ରକ,ବାଇକ ଚାଳକର ମୃତ୍ୟୁ
  • ||
  • ପାଲଲହଡ଼ା ଯାଉଥିଲା ରାଧାମାଧବ, ଅଧାରସ୍ତାରେ ଓଲଟିଲା ବସ୍‌
  • ||
  • କୋରାପୁଟ: ନାଲକୋ ଦାମନଯୋଡ଼ିରେ ରଡ଼ ପଶି ଦୁଇ ଶ୍ରମିକ ମୃତ, ଜଣେ ଗୁରୁତର
  • ||
  • ଗଗନ ଯାନ ମିଶନ ପାଇଁ ୪ ମହାକଶଚାରୀଙ୍କ ନାଁ ଘୋଷଣା କଲା ଇସ୍ରୋ, ପ୍ରଧାନମନ୍ତ୍ରୀଙ୍କ ଉପସ୍ଥିତିରେ ନାଁ ଘୋଷଣା ହୋଇଛି
  • ||
  • ମିଶନ ଶକ୍ତି ବଜାର ଶୁଭାରମ୍ଭ, ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ
  • ||
  • ବିନିକାରୁ ଅପହୃତ ବ୍ୟବସାୟୀ ବୁର୍ଲାରୁ ଉଦ୍ଧାର, ପୁଲିସର ବ୍ଲକିଂ ଦେଖି ଗୋଲଗୁଣ୍ଡା ପାଖରେ ଛାଡ଼ି ଅପହର୍ତ୍ତା ଫେରାର
  • ||

ରାଗି ଗଲେ କେରଳର ରାଜ୍ୟପାଳ ; କହିଲେ - ଅମିତ ଶାହ କି ପ୍ରଧାନମନ୍ତ୍ରୀଙ୍କୁ ଫୋନ୍ ଲଗାଅ

ତିରୁଅନନ୍ତପୁରମ୍‌ : ଖୁବ୍‌ ବିରକ୍ତି ହୋଇଗଲେ କେରଳର ରାଜ୍ୟପାଳ ଆରିଫ୍‌ ମହମ୍ମଦ ଖାନ। କହିଲେ ଅମିତ ଶାହ ନୁହେଁ ତ ପ୍ରଧାନମନ୍ତ୍ରୀଙ୍କୁ ଫୋନ୍‌ ଲଗାଅ। ତାଙ୍କ ସହ କଥା ହେବି। ରାଜ୍ୟରେ ଏମିତି ସବୁ କଣ ଗୁଣ୍ଡାରାଜ ଚାଲିଛି। ଘଟଣାଟି ଆଜ୍ଞା ଏମିତି ଥିଲା କି , ରାଜ୍ୟପାଳ କୁଆଡେ ଯାଉଥିଲେ। ଶନିବାର କୋଲ୍ଲମ ଜେଲ୍‌ର ନିଲମେଲରେ ଷ୍ଟୁଡେଣ୍ଟ ଫେଡରେସନ ଅଫ୍‌ ଇଣ୍ଡିଆର ଲୋକ ଆରିଫ ମହମ୍ମଦ ଖାନଙ୍କୁ କଳା ପତାକା ଦେଖାଇ ବିରୋଧ ପ୍ରଦର୍ଶନ କରିଥିଲେ। ଏହାପରେ ରାଜ୍ୟପାଳ ମଧ୍ୟ ନିଜର ଗାଡ଼ିରୁ ବାହାରକୁ ଆସିଲେ ଓ ଏକ ଦୋକାନରୁ ଚୌକି ମଗାଇ ସଡ଼କ ପାର୍ଶ୍ୱରେ ଧାରଣାରେ ବସିଗଲେ। ସେ ଦାବି କଲେ କି ପୁଲିସ ଏହି ପ୍ରଦର୍ଶନକାରୀଙ୍କୁ ତୁରନ୍ତ ଗିରଫ କରୁ। ରାସ୍ତା ରୋକିବା ଓ ତାଙ୍କ ବିରୋଧରେ ଏସଏଫଆଇର ପ୍ରଦର୍ଶନ ପରେ କେନ୍ଦ୍ରୀୟ ଗୃହ ମନ୍ତ୍ରଣାଳୟ ତାଙ୍କୁ ଜେଡ୍‌ ପ୍ଲସ୍‌ ସିକ୍ୟୁରିଟି ଦେବାକୁ ଆଦେଶ ଦେଇଛି। 

ଆରିଫ୍‌ ମହମ୍ମଦ ଖାନ୍‌ କହିଛନ୍ତି, ପୁଲିସ ମଧ୍ୟ ଏହି ପ୍ରଦର୍ଶନକାରୀଙ୍କୁ ସୁରକ୍ଷା ଦେଉଛି। ଯେବେସୁଦ୍ଧା ତାଙ୍କୁ ଗିରଫ କରାଯିବ ନାହିଁ , ମୁଁ ଏଠାରୁ ହଲିବି ନାହିଁ। ସେଠାରେ ଧାରଣାରେ ବସିବା ପରେ ରାଜ୍ୟପାଳ କହିଛନ୍ତି କି, ମୋ କଥା ଅମିତ ଶାହ ନୁହେଁତ ପ୍ରଧାନମନ୍ତ୍ରୀଙ୍କ ସହ କରାଅ।

ଏବେ କେନ୍ଦ୍ରୀୟ ଗୃହ ମନ୍ତ୍ରଣାଳୟର ଆଦେଶରେ ସିଆରପିଏଫ୍‌ର ଯବାନ ତାଙ୍କୁ ଜେଡ୍‌ ପ୍ଲସ୍‌ ସିକ୍ୟୁରିଟି ଦେବେ। ସୋସିଆଲ ମିଡ଼ିଆରେ ଭାଇରାଲ ଭିଡ଼ିଓରେ ଦେଖିବାକୁ ମିଳିଛୁ କି, ରାଜ୍ୟପାଳ ଏମସି ରୋଡ୍‌ରେ ନିଜର ଗାଡ଼ିରୁ ବାହାରକୁ ଆସୁଛନ୍ତି ଏବଂ ଏକ ଦୋକାନରୁ ଚୌକି ମଗାଇ ସେଥିରେ ବସି ରହୁଛନ୍ତି। ଏହାପରେ ପୁଲିସ ଅଧିକାରୀ ତାଙ୍କ ସହ କଥା ହେବାକୁ ଆସୁଛନ୍ତି। ସେ କହିଛନ୍ତି କି ବର୍ତ୍ତମାନର ସରକାର ରାଜ୍ୟରେ ଆଇନ୍‌ର ରାଜୁତିକୁ ଶେଷ କରି ଦେବାକୁ ଚାହୁଁଛନ୍ତି। କେରଳର ସରକାର ପୁଲିସକୁ ନିର୍ଦ୍ଦେଶ ଦେଉଛି କି ଏହି ଉପଦ୍ରବୀଙ୍କ ସାହାଯ୍ୟ କରାଯାଉ। ଏମିତି କି ଏସଏଫଆଇର ଅଧ୍ୟକ୍ଷଙ୍କର ମାମଲା ମଧ୍ୟ କୋର୍ଟରେ ବିଚାରାଧିନ ରହିଛି। 

ରାଜ୍ୟପାଳ ଆରିଫ୍‌ ମହମ୍ମଦ ଖାନ ପାଖାପାଖି ଦୁଇ ଘଣ୍ଟା ଯାଏ ଧାରଣାରେ ବସି ରହିଥିଲେ। ଯେବେ ପୁଲିସ ଏଫଆଇଆରର କପି ଦେଖାଇଲା , ସେତେବେଳେ ସେ ସେଠାରୁ ଯିବାକୁ ପ୍ରସ୍ତୁତ ହେଲେ। ପୁଲିସର ସୂଚନା ଅନୁସାରେ , ୧୭ଜଣ ଏସଏଫଆଇ କାର୍ଯ୍ୟକର୍ତ୍ତାଙ୍କ ବିରୋଧରେ କେସ୍‌ ରୁଜୁ କରାଯାଇଛି।   

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.